ഇറ്റാനഗര്: കോണ്ഗ്രസ് മുക്ത ഭാരതമെന്ന മുദ്രാവാക്യം പ്രധാനമന്ത്രി നരേന്ദ്ര മോദിയുടെ ഹൃദയത്തിലെ വെറുപ്പാണ് വെളിപ്പെടുത്തുന്നതെന്ന് കോണ്ഗ്രസ് അധ്യക്ഷന് രാഹുല് ഗാന്ധി. അരുണാചല് പ്രദേശിലെ ഇറ്റാനഗറില് തെരഞ്ഞെടുപ്പ് റാലിയെ അഭിസംബോധന ചെയ്യവെയായിരുന്നു രാഹുലിന്റെ പരാമര്ശം.
കോണ്ഗ്രസ് ഒരു ശബ്ദങ്ങളെയും അടിച്ചമര്ത്താന് ശ്രമിക്കുന്നില്ല. കോണ്ഗ്രസ് മുക്ത ഭാരതമെന്നു പറയുന്പോള് അവരുടെ ഹൃദയത്തിലെ വെറുപ്പ് ശ്രദ്ധിക്കൂ. അവരുടെ ആശയവുമായി മുന്നോട്ടുപോകൂ എന്നു മാത്രമാണ് എനിക്കു പറയാന് കഴിയുക. പക്ഷേ, അവരുടെ ആ ആശയങ്ങള് അരുണാചല് പ്രദേശിലും മണിപ്പൂരില് നടപ്പാക്കാന് അവര്ക്കു കഴിയില്ല. നാമത് അനുവദിക്കില്ല- രാഹുല് പറഞ്ഞു.
പുല്വാമ ഭീകരാക്രമണം നടക്കുന്പോള് ജിം കോര്ബററ്റ് പാര്ക്കില് ഷൂട്ടിംഗ് നടത്തിയതിന് പ്രധാനമന്ത്രി നരേന്ദ്ര മോദിക്കു നേരെ രാഹുല് രൂക്ഷ വിമര്ശനമുന്നയിച്ചു.