ഡൽഹി: ജ്യോതിരാദിത്യ സിന്ധ്യവർഷങ്ങളായി തനിക്കൊപ്പമുള്ളയാളാണെന്നു രാഹുൽഗാന്ധി. എന്റെ വീട്ടിൽ ഏതു നേരത്തും വരാൻ സ്വാതന്ത്ര്യമുണ്ടായിരുന്ന ആളാണ് സിന്ധ്യ. കോളജ് കാലം മുതൽ എനിക്കൊപ്പമുണ്ടായിരുന്ന ആളാണ് അദ്ദേഹം.
മാസങ്ങൾക്കു മുന്പുതന്നെ രാഹുലുമായി കൂടിക്കാഴ്ച നടത്താൻ ജ്യോതിരാദിത്യ സിന്ധ്യ ശ്രമിച്ചിരുന്നുവെന്നും രാഹുൽ സമ്മതിച്ചിരുന്നില്ലെന്നും സിന്ധ്യയുടെ ബന്ധുവായ പ്രദ്യോത് മാണിക്യ ദേബർമ ആരോപിച്ചിരുന്നു. ഇതേക്കുറിച്ച് ചോദിച്ചപ്പോഴായിരുന്നു രാഹുലിന്റെ വൈകാരിക പ്രതികരണമുണ്ടായത്.