ന്യൂഡല്ഹി: പഞ്ചാബ് നാഷണല് ബാങ്ക് തട്ടിപ്പ് കേസില് പ്രധാനമന്ത്രി നരേന്ദ്രമോദിയെ പരിഹസിച്ച് കോണ്ഗ്രസ് അധ്യക്ഷന് രാഹുല് ഗാന്ധി. ഇന്ത്യയെ കൊള്ളയടിക്കാന് നീരവ് മോദി മാതൃക എന്നാണ് രാഹുല് ട്വീറ്റ് ചെയ്തിരിക്കുന്നത്. അതിന് എണ്ണമിട്ട് വിശേഷണവും രാഹുല് ട്വീറ്റില് നല്കിയിട്ടുണ്ട്.
‘മോദിയെ കെട്ടിപ്പിടിക്കുക, ദാവോസില് മോദിയോടൊപ്പം കാണപ്പെടുക, ആ സ്വാധീനം ഉപയോഗപ്പെടുത്തി 12,000 കോടി അടിച്ചുമാറ്റുക, സര്ക്കാര് കണ്ടില്ലെന്ന് നടിക്കുക, മല്യയെ പോലെ രാജ്യം വിടുക, ഇങ്ങനെയാണ് രാഹുലിന്റെ ട്വീറ്റ്.
ഒരു മോദിയില് നിന്ന് അടുത്തതിലേക്ക് എന്ന് വിശേഷിപ്പിച്ച് #From1Modi2another എന്ന ഹാഷ് ടാഗും രാഹുല് ഇതോടൊപ്പം ട്വീറ്റ് ചെയ്തിട്ടുണ്ട്.