ഡല്ഹി : കോണ്ഗ്രസ് അധ്യക്ഷന് രാഹുല് ഗാന്ധിയുടെ രാജിസന്നദ്ധത പ്രവര്ത്തകസമിതി തള്ളി. തെരഞ്ഞെടുപ്പിലെ ദയനീയ തോല്വിയുടെ കാരണങ്ങള് ചര്ച്ച ചെയ്തുകഴിഞ്ഞതിനുശേഷമായിരുന്നു രാഹുല് രാജിസന്നദ്ധത അറിയിച്ചതെന്ന് എന്.ഡി.ടി.വി റിപ്പോര്ട്ട് ചെയ്തു.
തെരഞ്ഞെടുപ്പ് ഫലപ്രഖ്യാപനം വന്ന ദിവസം മുതല് രാഹുല് കോണ്ഗ്രസ് അധ്യക്ഷസ്ഥാനം രാജിവെയ്ക്കുമെന്ന അഭ്യൂഹങ്ങളുണ്ടായിരുന്നു. അതിനിടെ തനിക്കാണു തോല്വിയുടെ ഉത്തരവാദിത്വമെന്നു ഫലപ്രഖ്യാപനം വന്നതിനുശേഷം രാഹുല് പറഞ്ഞു.
എന്നാല് രാജിയെക്കുറിച്ച് ഈ ഘട്ടത്തില് ആലോചിക്കരുതെന്നും രാഹുല് തന്നെ അധ്യക്ഷനായി തുടരണമെന്നുമാണ് നേതാക്കള് അഭിപ്രായപ്പെട്ടത്. യോഗം പുരോഗമിച്ചുകൊണ്ടിരിക്കുകയാണ്.