ജയ്പുര്: രാജസ്ഥാനില് എട്ടുവയസുകാരിയെ ബലാത്സംഗം ചെയ്ത ശേഷം കഴുത്തുഞ്ഞെരിച്ച് കൊലപ്പെടുത്തി പൊട്ടകിണറ്റിലെറിഞ്ഞു. പ്രതാപ്ഗഡ് ജില്ലയിലാണ് സംഭവം.
വെള്ളിയാഴ്ച രാത്രി അമ്മയോടൊപ്പം വീട്ടില് ഉറങ്ങി കിടക്കുകയായിരുന്ന പെണ്കുട്ടിയെ അജ്ഞാതന് തട്ടിയെടുക്കുകയായിരുന്നു. പിന്നീട് കുട്ടിയെ ബലാത്സംഗം ചെയ്തശേഷം കഴുത്ത് ഞെരിച്ച് കൊലപ്പെടുത്തി. മൃതദേഹം സമീപത്തെ പൊട്ടകിണറ്റില് എറിയുകയും ചെയ്തു.
ശനിയാഴ്ച രാത്രി പെണ്കുട്ടിയുടെ മൃതദേഹം പൊട്ടകിണറ്റില്നിന്ന് ലഭിച്ചതായും വീട്ടില്നിന്ന് 300 മീറ്റര് അകലെയാണ് കിണറെന്നും ഛോട്ടി സദ്രി പൊലീസ് സ്റ്റേഷനിലെ മുതിര്ന്ന ഉദ്യോഗസ്ഥനായ രവീന്ദ്ര പ്രതാപ് സിങ് പറഞ്ഞു.