ചെന്നൈ: കേന്ദ്രമന്ത്രി അമിത്ഷായുടെ ഹിന്ദി പരാമര്ശത്തില് മറുപടിയുമായി സ്റ്റൈല്മന്നന് രജനീകാന്ത്. ഒരു ഭാഷയും ആര്ക്കും അടിച്ചേല്പ്പിക്കാന് കഴിയില്ല .‘ഇന്ത്യക്ക് മാത്രമല്ല ഏത് രാജ്യത്തിനും ഒരു പൊതുഭാഷ അതിന്റെ ഐക്യത്തിനും പുരോഗതിക്കും നല്ലതാണ്.
എന്നാല് നിര്ഭാഗ്യകരമെന്ന് പറയട്ടെ നമ്മുടെ രാജ്യത്ത് ഒരു പൊതുഭാഷ കൊണ്ടുവരാന് ഒരാള്ക്കും കഴിയില്ല. അതുകൊണ്ട് തന്നെ ഒരു ഭാഷയും അടിച്ചേല്പ്പിക്കാന് കഴിയില്ല.
ഹിന്ദി അടിച്ചേല്പിച്ചാല് തമിഴ്നാട്ടില് മാത്രമല്ല മറ്റ് തെന്നിന്ത്യന് സംസ്ഥാനങ്ങളും അത് അംഗീകരിക്കില്ല. മാത്രമല്ല പല ഉത്തരേന്ത്യന് സംസ്ഥാനങ്ങളും അത് അംഗീകരിക്കില്ലെന്നും രജനികാന്ത് പറഞ്ഞു.