Advertisment

ഐവിഎഫ് ചികിത്സയുടെ ഭാഗമായി അണ്ഡം ശീതീകരിക്കാന്‍ നല്‍കി; ബിഗ്‌ബോസില്‍ ആയിരുന്ന സമയത്ത് അടിവസ്ത്രത്തില്‍ മൂത്രമൊഴിച്ചു; വെളിപ്പെടുത്തലുമായി രാഖി സാവന്ത്‌

author-image
ഫിലിം ഡസ്ക്
New Update

മുംബൈ:  പ്രശസ്ത മോഡലും നടിയുമായ രാഖി സാവന്തിന് ബിഗ് ബോസിൽ നേരിടേണ്ടി വന്ന ഒരു ദുരനുഭവമാണ് ഇപ്പോൾ പുറത്തുവരുന്നത്. മത്സരാർഥികളെ രണ്ടു വിഭാഗമായി തിരിച്ചതോടെ മൂത്രമൊഴിക്കാൻ ശുചിമുറിയിൽ പോകാൻ സാധിക്കാത്ത അവസ്ഥയാണ് രാഖി സാവന്തിന് ഉണ്ടായത്.

Advertisment

publive-image

ഇത്തവണ ഒരു ചലഞ്ചറായാണ് രാഖി സാവന്ത് ബിഗ് ബോസിൽ എത്തിയത്. അതുകൊണ്ടുതന്നെ വലിയ വെല്ലുവിളികളും ടാസ്ക്കുകളുമാണ് അവർക്ക് നേരിടേണ്ടി വന്നത്. ബിഗ് ബോസ് മത്സരാർത്ഥികളെ അടുത്തിടെ റെഡും യെല്ലോയും ആയി രണ്ടു വിഭാഗങ്ങളായി തിരിച്ചു.

റെഡ് ടീമിൽ ക്യാപ്റ്റനായി റുബീന ദിലെയ്ക്കും കൂടാതെ രാഖി സാവന്ത്, റുബീനയുടെ ഭർത്താവ് അഭിനവ് ശുക്ല, വികാസ് ഗുപ്ത, ദേവോലീന ഭട്ടാചാർജി എന്നിവരായിരുന്നു ഉണ്ടായിരുന്നത്. രാഹുൽ വൈദ്യയാണ് യെല്ലോ ടീമിനെ നയിക്കുന്നത്. അലി ഗോണി, അർഷി ഖാൻ, സോനാലി ഫോഗാട്ട്, നിക്കി തമ്പോളി എന്നിവരും ടീമിലുണ്ട്.

ഇപ്പോൾ പുറത്തുവന്ന വിവരം അനുസരിച്ച് ടീം റെഡിനെ ബാത്ത്റൂമിലേക്ക് പോകാൻ യെല്ലോ ടീമിലെ ആർഷി ഖാൻ അനുവദിച്ചില്ല. ബാത്ത്റൂം യെല്ലോ ടീമിന്‍റെ അധികാരപരിധിയിലായിരുന്നതിനാൽ ആണിത്. അതിനാൽ അയാൾ ബാത്ത് റൂമിന്‍റെ വാതിൽ പൂട്ടി നിൽക്കുകയായിരുന്നു. സാഹചര്യം കണ്ട് റൂബിന തന്റെ ടീം അംഗങ്ങളെ കുളിമുറിയിലേക്ക് ഓടിക്കയറാതിരിക്കാൻ ഉപദേശിച്ചു! എന്നാൽ കുറച്ചു സമയം കഴിഞ്ഞപ്പോൾ രാഖിക്ക് ബാത്ത്റൂമിലേക്ക് പോകേണ്ടത് ഏതാണ്ട് അടിയന്തിരമായിത്തീർന്നു, എന്നാൽ എതിർ ടീം അംഗങ്ങളെ ബാത്ത് റൂമിലേക്ക് കടക്കാൻ അനുവദിക്കാതെ അർഷി തന്റെ നിസ്സഹകരണം തുടരുകയായിരുന്നു.

എന്നാൽ അധികം പിടിച്ചുനിൽക്കാനാകാതെ രാഖി സാവന്ത് അടിവസ്ത്രത്തിലൂടെ മൂത്രം ഒഴിച്ചു. ഇതറിഞ്ഞ ടീം ക്യാപ്റ്റൻ റുബീന മുറിയിൽ ചെന്ന് വസ്ത്രങ്ങൾ മാറ്റാൻ ഉപദേശിച്ചു. റുബീന ഇത് ആരോടും പറയരുതെന്ന് രാഖി അഭ്യർത്ഥിക്കുന്നു, അല്ലാത്തപക്ഷം എല്ലാവരും തന്നെ പരിഹസിക്കുമെന്ന ഭയമായിരുന്നു രാഖിക്ക്. എന്നാൽ ഇപ്പോൾ ഇക്കാര്യം പുറത്തുവന്നതോടെ എല്ലാവരും ഇത് അറിഞ്ഞു കഴിഞ്ഞു.

അതിനിടെ വ്യക്തിജീവിതത്തിലെ ചില കാര്യങ്ങൾ വെളിപ്പെടുത്തിക്കൊണ്ടുള്ള രാഖി സാവന്തിന്‍റെ അഭിമുഖം ഇതിനോടകം വൈറലായി കഴിഞ്ഞു. താൻ ഐവിഎഫ് ചികിത്സയുടെ ഭാഗമായി അണ്ഡം ശീതീകരിക്കാൻ നൽകിയതായി അവർ വെളിപ്പെടുത്തി. സൊണാലി ഫോഗട്ടിന് നൽകിയ അഭിമുഖത്തിലാണ് അവർ ഇത് പറഞ്ഞത്. കാമുകൻ അഭിഷേക് അവസ്തിയുമായുള്ള ബന്ധം വേർപെടുത്തിയ ശേഷം മറ്റൊരു പുരുഷനും തന്റെ ജീവിതത്തിലേക്ക് കടന്നിട്ടില്ലെന്നും തനിച്ചായിരിക്കുക എന്നത് എത്ര ബുദ്ധിമുട്ടാണെന്നും അവർ പറഞ്ഞു.

റിതേഷുമായുള്ള വിവാഹത്തെക്കുറിച്ച് സംസാരിക്കുന്നതിനിടയിൽ അവൾ കൂടുതൽ വികാരാധീനനായി, തനിക്ക് ചില വ്യക്തിപരമായ പ്രശ്‌നങ്ങളുണ്ടെന്നും അതിനാൽ എല്ലാവരുടെയും മുന്നിൽ വരാനാകുന്നില്ലെന്നും പറഞ്ഞു.

rakhi savanth film news
Advertisment