ആഡിസ് അബാബ: എത്യോപ്യയില് പ്രധാനമന്ത്രി അബി അഹമ്മദിന്റെ അനുകൂലികള് നടത്തിയ റാലിക്കു നേരെ ആക്രമണം. സംഭവത്തില് 29 പേര്ക്ക് പരിക്കേറ്റു. അംബോ നഗരത്തില് നടത്തിയ റാലിക്കു നേരെയാണ് അജ്ഞാതര് ബോംബാക്രമണം നടത്തിയത്.
പ്രതിപക്ഷ പാര്ട്ടിയായ ഒറോമോ ലിബറേഷന് ഫ്രണ്ടാണ് ആക്രമണത്തിനു പിന്നിലെന്ന് ദേശീയ വാര്ത്താ ഏജന്സികള് റിപ്പോര്ട്ട് ചെയ്തു. അതേസമയം ആളുകള്ക്കേറ്റ പരിക്ക് ഗുരുതരമല്ലെന്ന് പോലീസ് അധികൃതര് അറിയിച്ചു. പരിക്കേറ്റ 29ല് 28 പേരും വീടുകളിലേക്ക് മടങ്ങിയെന്നും പോലീസ് വ്യക്തമാക്കി.
സംഭവവുമായി ബന്ധപ്പെട്ട് ആറു പേരെ പോലീസ് അറസ്റ്റ് ചെയ്തെന്നാണ് സ്ഥിരീകരിക്കാത്ത വിവരങ്ങള്.
ഈ വര്ഷം നടക്കാനിരിക്കുന്ന തെരഞ്ഞെടുപ്പ് മുന്നില് കണ്ടാണ് അബി അനുകൂലികള് റാലി സംഘടിപ്പിച്ചതെന്നാണ് വിവരം.