ഡല്ഹി: അകാലിദള് നേതാവും മുന് കേന്ദ്രമന്ത്രിയുമായ ഹര്സിമ്രത് കൗര് ബാദലിന് കോവിഡ് സ്ഥിരീകരിച്ചു. നേരിയ രോഗലക്ഷണങ്ങളെ തുടര്ന്ന് പരിശോധിച്ചപ്പോഴാണ് വൈറസ് ബാധ സ്ഥിരീകരിച്ചതെന്ന് ഹര്സിമ്രത് കൗര് സോഷ്യല്മീഡിയയില് കുറിച്ചു.
വേണ്ട മുന്കരുതല് സ്വീകരിച്ച് വീട്ടില് നിരീക്ഷണത്തില് കഴിയുകയാണ്. കഴിഞ്ഞ ദിവസങ്ങളില് താനുമായി സമ്പര്ക്കത്തില് ഏര്പ്പെട്ടവര് സ്വയം നിരീക്ഷണത്തില് പോകണമെന്ന് ഹര്സിമ്രത് കൗര് അഭ്യര്ത്ഥിച്ചു.
കോണ്ഗ്രസ് നേതാവ് രണ്ദീപ് സിങ് സുര്ജേവാലയ്ക്കും കോവിഡ് സ്ഥിരികരിച്ചിട്ടുണ്ട്. കഴിഞ്ഞ അഞ്ചുദിവസം താനുമായി സമ്പര്ക്കത്തില് ഏര്പ്പെട്ടവര് സ്വയം നിരീക്ഷണത്തില് പോകണമെന്ന് രണ്ദീപ് സിങ് സുര്ജേവാല ആവശ്യപ്പെട്ടു.