ചൂതാട്ടത്തിൽ പരാജയപ്പെട്ടതിനെ തുടർന്ന് യുവാവ് എതിരാളികൾക്കു ഭാര്യയെ പീഡിപ്പിക്കാൻ വിട്ടുനൽകി. ഒഡീഷയിലെ ബാലസോറിലാണു സംഭവം.
രണ്ടു കുട്ടികളുടെ അമ്മയായ മുപ്പത്തഞ്ചുകാരിയാണ് പീഡിപ്പിക്കപ്പെട്ടത്. ചൂതാട്ടത്തിൽ പരാജയപ്പെട്ടതിനെ തുടർന്ന് ഭർത്താവ് ഇവരെ എതിരാളികൾക്കു വിട്ടുനൽകുകയായിരുന്നു. യുവതിയെ പിടികൂടാനും കെട്ടിയിടാനും ഭർത്താവ് സഹായിച്ചെന്നും നാട്ടുകാർ പറയുന്നു. എതിരാളികൾക്കൊപ്പം പോകണമെന്ന ഭർത്താവിന്റെ നിർദേശം നിരസിച്ചതിനെ തുടർന്നാണ് യുവതിയെ കെട്ടിയിട്ടതും പിന്നീട് എതിരാളികൾ ചേർന്നു പീഡനത്തിനിരയാക്കിയതും.
കഴിഞ്ഞ ദിവസം വിഷയത്തിൽ പരാതിയുമായി യുവതി പോലീസിനെ സമീപിച്ചെങ്കിലും പിന്നീട് മനസുമാറ്റി ഒത്തുതീർപ്പിലെത്തിയതായി ഒപ്പിട്ടു നൽകി മടങ്ങി. എന്നാൽ തൊട്ടടുത്ത ദിവസം വീണ്ടും യുവതി സ്റ്റേഷനിലെത്തി പരാതി നൽകുകയായിരുന്നു. വിഷയത്തിൽ അന്വേഷണം തുടരുകയാണെന്നു പോലീസ് അറിയിച്ചു.