ഉത്തരേന്ത്യയിൽ ശൈത്യം റിക്കാർഡ് തകർക്കുന്നു !

രാജസ്ഥാനിലും പഞ്ചാബിലും ഇന്ന് ശീതക്കാറ്റ് വീശുമെന്ന മുന്നറിയിപ്പ്. താപനില സാധാരണയിൽ നിന്നും 4 ഡിഗ്രിവരെ താഴാനിടയുണ്ട്. രാജസ്ഥാനിലെ ജൈസൽമീറിൽ മൈനസ് 1.5 ഡിഗ്രിയാണ് നിലവിൽ. മഞ്ഞുവീഴ്ച ഹിമാചൽ പോലെ ഇവിടെയും തുടരുകയാണ്.

ഡൽഹിയിൽ അതിശൈത്യം തുടരുകയാണ്. ഇന്നലെ 3 ഡിഗ്രിയായിരുന്നു താപനില. ഇന്ന് ഏറ്റവും ശൈത്യമേറിയ ദിവസമായിരിക്കുമെന്ന് മുന്നറിയിപ്പുണ്ട്. ഈ തണുപ്പിലാണ് പതിനായിരക്കണക്കിന് കർഷകർ അവിടെ സമരം ചെയ്യുന്നത്.

ഹിമാചൽ പ്രദേശിലെ മിക്ക സ്ഥലങ്ങളിലും രാത്രി താപനില മൈനസ് ഡിഗ്രിയിലാണ്. ഡൽഹിയിൽനിന്ന് പഞ്ചാബിലേക്കുള്ള 10 ട്രെയിനുകൾ റദ്ദാക്കിയിട്ടുണ്ട്. അടുത്ത രണ്ടുദിവസം ഇവിടെ കനത്ത മൂടൽമഞ്ഞാ യിരിക്കും.

പഞ്ചാബ്,ഹരിയാന,രാജസ്ഥാൻ,ഉത്തർ പ്രദേശ്,ഉത്തരാഖണ്ഡ്,മദ്ധ്യപ്രദേശ് ,ഒഡീഷാ ,ജാർഖണ്ഡ് ,ബീഹാർ, പശ്ചിമ ബംഗാൾ,ആസ്സാം ,മേഘാലയ, ത്രിപുര, ഛത്തീസ്‌ ഗഡ്‌ ,മഹാരഷ്ട്ര, കർണ്ണാടക, ഹിമാചൽ പ്രദേശ് എന്നീ സംസ്ഥാനങ്ങളിൽ അടുത്ത 4 ദിവസം അതിശൈത്യം അനുഭവപ്പെടുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിരിക്കുന്നു.