പാലക്കാട്: പ്രശ്‌സത ശില്‍പ്പി കാനായി കുഞ്ഞിരാമന്റെ സൃഷ്ടിയായ മലമ്പുഴ യെക്ഷിയെ അനുകരിച്ച്‌ റിമ കല്ലിങ്കല്‍. യക്ഷിയുടെ അമ്പതാം വാര്‍ഷികത്തില്‍ യക്ഷിയെ അനുകരിച്ച്‌ ഇരിക്കുന്ന ചിത്രത്തോടൊപ്പമുള്ള കുറുപ്പ് സഹിതമാണ് താരം തന്റെ ഇന്‍സ്റ്റഗ്രാമില്‍ പങ്കുവെച്ചത്. ചിത്രവും പോസ്റ്റും നിമിഷങ്ങള്‍ക്കുള്ളില്‍ വൈറലായി.
/sathyam/media/post_attachments/YSiu6NnsRF7B4qff70Fu.jpg "publive-image")
റിമ നേതൃത്വം നല്‍കുന്ന മാമാങ്കം എന്ന നൃത്തവിദ്യാലയത്തിന്റെ ഫേസ്ബുക്ക് പേജിലൂടെയും ചിത്രം പുറത്തുവിട്ടിരുന്നു. 'യക്ഷി എന്ന സങ്കല്‍പം സ്ത്രീ ശരീരത്തെ സൂചിപ്പിക്കുന്നുണ്ട്. സ്ത്രീകള്‍ എല്ലായ്‌പ്പോഴും പെയിന്റിങുകളുടെയും ശില്‍പങ്ങളുടെയും കവിതകളുടെയും ഭാഗങ്ങളായിട്ടുണ്ട്.
എന്നാല്‍ ചിലപ്പോള്‍ അമിതമായി ചിത്രീകരിക്കുകയും കൂടുതലും തെറ്റായി പ്രതിനിധീകരിക്കുകയും അത് ദീര്‍ഘകാലം മാറ്റമില്ലതെ തുടരുകയും ചെയ്തിട്ടുണ്ട്. ഇവിടെ ഞങ്ങള്‍ ശ്രമിക്കുന്നത് സ്വന്തം ശരീരങ്ങളിലൂടെ സ്വയം അനുഭവിക്കുകയും ശാരീരിക സ്വഭാവത്തിലൂടെ സ്വീകാര്യത തേടുകയുമാണ്. വളര്‍ന്നുവരുന്ന സമയങ്ങളില്‍ നിങ്ങളില്‍ എത്ര പേരോട് നേരെ ഇരിക്കണമെന്നും ശരിയായി ഇരിക്കണമെന്നും പറഞ്ഞിട്ടുണ്ട്?'- റിമ കുറിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
