റിയാദ് ഇന്ത്യൻ മ്യൂസിക് ലവേഴ്സ് അസോസിയേഷൻ , നവംബർ 22 നു നടത്തുവാനിരിക്കുന്ന , "പാടുവാനായ് വന്നു ഞാൻ" എന്ന സംഗീത പരിപാടിയുടെ റിഹേർസൽ ക്യാമ്പ് ഉദ്ഘാടനവും , ഓണാഘോഷവും സംഘടിപ്പിച്ചു.
ഉദ്ഘാടനകർമം റിംലയുടെ പ്രസിഡന്റ് വാസുദേവൻ പിള്ള നിർവഹിച്ചു. ഇലിയാസ് മണ്ണാർകാടിന്റെ നേതൃത്വത്തിലുള്ള ലൈവ് ഓർക്കസ്ട്രയുടെ പശ്ചാത്തലത്തിൽ ഗിരിദാസ് ഭാസ്ക രന്റെ നേതൃത്വത്തിൽ റിയാദിലെ നിരവധി ഗായകർ റിഹേർസൽ ക്യാമ്പിൽ പങ്കെടുത്തു.
സംഗീത സപര്യയുടെ അരനൂറ്റാണ്ട് പിന്നിട്ട വിദ്യാധരൻ മാസ്റ്ററെ ആദരിക്കുന്നതിന്റെ ഭാഗമായിട്ടാണ് റിംല , വാർഷികാ ഘോഷ ത്തോടനുബന്ധിച്ചു വ്യത്യസ്തമായ ഒരു സംഗീത നിശ കാഴ്ചവ യ്ക്കുന്നത് . ഉദ്ഘാടനത്തോടനുബന്ധിച്ചു നടന്ന പരിപാടികൾക്ക് ശരത് ജോഷി , ഗോപകുമാർ, എസ്. പി ഷാനവാസ്, മാത്യൂസ് , ബാബുരാജ്, ബിനോയ്, സോജി എന്നിവർ നേതൃത്വം നൽകി.
നവംബർ 22 നു എക്സിറ്റ് 18 ലെ നോഫാ ഓഡിറ്റോറിയത്തിൽ വച്ചാണ് റിംല , റിയാദിലെ സംഗീത പ്രേമികൾക്ക് വിദ്യാധരൻ മാസ്റ്ററോ ടൊത്തു സംഗീതാസ്വാദനത്തിനുള്ള സുവർണാവസരം അണിയി ച്ചൊരുക്കുന്നത്.