ന്യൂഡല്ഹി: സത്യം ഒടുവില് ജയിക്കുമെന്ന് നടന് സുശാന്ത് സിംഗ് രാജ്പുതിന്റെ മുന്കാമുകി റിയ ചക്രബര്ത്തി. സുശാന്ത് സിംഗിന്റെ മരണവുമായി ബന്ധപ്പെട്ട ആരോപണങ്ങള്ക്ക് മറുപടി പറയുകയായിരുന്നു അവര്. ഇരുപത് സെക്കന്റോളം ദൈര്ഘ്യമുള്ള വീഡിയോയിലാണ് തന്റെ ഭാഗം അവര് പറയുന്നത്.
ദൈവത്തിലും കോടതിയിലും വിശ്വാസമുണ്ട്. എനിക്ക് നീതി ലഭിക്കുമെന്ന് ഉറപ്പുമുണ്ട്. മാധ്യമങ്ങളില് എനിക്കെതിരെ തീര്ത്തും മോശമായ തരത്തിലുള്ള പല കാര്യങ്ങളും വരുമ്ബോഴും, ഇതിനൊന്നും മറുപടി പറയുന്നില്ലെന്നാണ് തീരുമാനിച്ചിരിക്കുന്നത്.
അത് തന്നെയാണ് അഭിഭാഷകരും നല്കിയിരിക്കുന്ന നിര്ദേശം. നിലവില് കേസ് കോടതിയുടെ പരിഗണയിലാണ്. സത്യമേവജയതേ. സത്യം ജയിക്കും- നിറകണ്ണുകളോടെ കൈകൂപ്പി റിയ പറഞ്ഞു. അഭിഭാഷകനായ സതീഷ് മനേഷിന്ഡെയാണ് റിയയുടെ ഈ വീഡിയോ പോസ്റ്റ് ചെയ്തിരിക്കുന്നത്.