പശുവിന്റെ വയറ്റിൽ ദ്വാരമുണ്ടാക്കി മരുന്നും ഭക്ഷണവും നല്‍കുന്ന രീതി : സ്വിറ്റ്സർലൻഡിലെ ക്ഷീരകർഷകരുടെ മാതൃക ഇങ്ങനെ

സ്വിറ്റ്സർലൻഡിലെ ക്ഷീരകർഷകർ അവലംബിക്കുന്ന ഒരു രീതിയാണിത്. പശുവിന്റെ വയറിൽ മുകളുഭാഗത്തായി ഒരു ദ്വാരമുണ്ടാക്കിയശേഷം അതിലൂടെ പൈപ്പ് വഴി വയറ്റിൽ മരുന്നും മറ്റുള്ള സാധനങ്ങളും നൽകുക എന്നത് വളരെ ഉപയോഗപ്രദവും പാലുൽപ്പാദനത്തിൽ സഹായകവും,പശുക്കളുടെ ആയുസ്സു വർദ്ധിപ്പിക്കാനുതകുന്നതുമാണെന്നാണ് അവരുടെ കണ്ടെത്തൽ.

പശുക്കളുടെ വയറ്റിൽ ദ്വാരമുണ്ടാക്കുന്നത് ശസ്ത്രക്രിയ വഴിയാണ്. ഇതിനു Rumen Fistulation എന്നാണു പറയുന്നത്. പശുവിന്റെ കൈകാലുകൾ കെട്ടിയിട്ടശേഷമാണ് ദ്വാരം നിർമ്മിക്കാനുള്ള ഓപ്പറേഷൻ നടത്തുന്നത്. ഓപ്പറേഷൻ കഴിഞ്ഞശേഷം ദ്വാരമുഖത്ത് ഒരു റബ്ബർ ഗ്യാസ്‌ക്കെറ്റ് ഫിറ്റ് ചെയ്യുന്നു.

അതിൽ നിന്ന് ഒരു പൈപ്പ് പശുവിന്റെ വയറ്റിലേക്കിടുന്നു. ഈ പൈപ്പ് പശുവിന്റെ ദഹനപ്രക്രിയ നടക്കുന്ന സ്ഥലത്തിന് തൊട്ടുമുകളിൽ വരെയെത്തുന്നതാണ്. ഇത് വഴിയാണ് പശുവിനുവേണ്ട മരുന്നുകളും പ്രോട്ടീനുകളും വയറിനുള്ളിൽ ഇട്ടുകൊടുക്കുന്നത്. ദ്വാരം അടയ്ക്കുന്നതിനായി ഗ്യാസ്‌കേറ്റിൽ ഫിറ്റ് ആകുന്നതരത്തിൽ ഒരു അടപ്പുകൊണ്ട് ഭദ്രമായി അടച്ചുവയ്ക്കുന്നു.ആവശ്യമുള്ളപ്പോൾ അത് തുറക്കാവുന്ന തരത്തിൽ.

ഓപ്പറേഷൻ മൂലം വയറ്റിലുണ്ടാകുന്ന മുറിവ് ഒരാഴ്ചകൊണ്ട് ഉണങ്ങിക്കിട്ടും. പശുവിനുണ്ടാകുന്ന ഭൂരിഭാഗം അസുഖങ്ങളും വയറ്റിൽ നിന്നാണ് ഉണ്ടാകുന്നത്. ദഹനമില്ലായ്മയും ആഹാരക്കുറവുമാണ് പ്രധാനപ്രശ്നങ്ങൾ. ഡോക്ടർമാർ ഈ ദ്വാരം വഴി വയറിനുള്ളിൽ കൈ കടത്തി കൃത്യമായ പരിശോധനനടത്തുകയും മരുന്നുകൾ നേരിട്ട് പൈപ്പ് വഴി വയറ്റിൽ നിക്ഷേപിക്കുകയുമാണ് ചെയ്യുന്നത്. തന്മൂലം രോഗം പെട്ടെന്ന് ശമിക്കുകയും ചെയ്യുന്നു.

പശുക്കൾക്ക് ആഹാരവും , വെള്ളവും ആവശ്യാനുസരണം കൃത്യമായി നൽകാൻ ഇതുവഴി സാധിക്കുന്നുണ്ട്. ഇത് പാലുൽപ്പാദനം കൂട്ടാനും പശുക്കളുടെ ആയുസ്സു വർദ്ധിപ്പിക്കാനും കാരണമാകുന്നു. വളരെ ശാസ്ത്രീയമാ യരീതിയിൽ നടത്തിയ പഠനങ്ങളെത്തുടർന്ന് ഏറ്റവും വലിയ പാലുൽപ്പാദനരാജ്യമായ സ്വിറ്റ്സർലൻഡ് അവ ലംബിച്ച ഈ രീതി നമുക്കും സ്വീകരിക്കാവുന്നതാണ്. പശുക്കളുടെ ആരോഗ്യത്തിനും, ആയുസ്സിനും, പാലുൽപ്പാദനത്തിനും അത് ഗുണകരമാകുമെന്നതുകൊണ്ടുതന്നെ.