New Update
തിരുവനന്തപുരം: തെരഞ്ഞെടുപ്പ് കാലത്ത് അപ്രതീക്ഷിതമായേറ്റ കനത്ത പ്രഹരത്തിന്റെ ഞെട്ടലിലാണ് സി.പി.എം. ജില്ലാ സെക്രട്ടറിയും എം.എല്.എയും കൊലക്കേസിലെ പ്രതിപട്ടികയില്പ്പെട്ടു എന്നതു മാത്രമല്ല , ജയം ഉറപ്പുള്ള സ്ഥാനാര്ത്ഥിയുടെ സാധ്യത കൂടിയാണ് മങ്ങിയത്.
പി. ജയരാജന് ലോക്സഭതെരഞ്ഞെടുപ്പില് സ്ഥാനാര്ഥിയാകുമെന്ന സൂചനകള്ക്കിടയിലാണ് ഷുക്കൂര് കൊലക്കേസിലെ കുറ്റപത്രം സമര്പ്പിച്ചത്. വടകര, കാസര്കോഡ് മണ്ഡലങ്ങലിലേക്ക് പറഞ്ഞ് കേട്ടിരുന്ന പി ജയരാജനെ ഇനി സി.പി.എം സ്ഥാനാര്ഥിയാക്കാന് സാധ്യതയില്ല. ജയരാജന് മത്സരത്തില് നിന്നും മാറി നിന്നാലും പ്രതിസന്ധി ഒഴിയില്ല.
ശബരിമല വിഷയം പ്രധാനചര്ച്ചയാവുമെന്ന് കരുതിയിരുന്ന തെരഞ്ഞെടുപ്പില് ഇനി അക്രമരാഷ്ട്രീയവും സി.പി.എമ്മിന് എതിരായ പ്രധാന പ്രചരണായുധമാകും. സി.പി.എം ജില്ലാ സെക്രട്ടറിതന്നെ കൊലക്കേസില് പ്രതിയായത് രാഷ്ട്രീയ വിജയമായാണ് മുസ്ലീംലീഗും വിലയിരുത്തുന്നത്.
തെക്ക് ശബരിമലയും വടക്ക് അക്രമരാഷ്ട്രീയവും തെരഞ്ഞെടുപ്പില് സി.പി.എമ്മിനെ കടുത്ത പ്രതിരോധത്തിലാക്കും. ജില്ലാസെക്രട്ടറി തന്നെ കൊലക്കേസ് പ്രതിയായതോടെ വടക്കന്ജില്ലകളിലെ സി.പി.എം അപ്രമാദിത്വം കുറയുമെന്ന കണക്കു കൂട്ടലിലാണ് പ്രതിപക്ഷ പാര്ട്ടികള്.