New Update
ന്യൂഡല്ഹി: ശബരിമല കേസിൽ സുപ്രീംകോടതിയിൽ സംസ്ഥാന സർക്കാരിന് തിരിച്ചടി. ശബരിമല കേസിലെ ഹർജികൾ ഹൈക്കോടതിയിൽ നിന്ന് സുപ്രീംകോടതിയിലേക്ക് മാറ്റണമെന്ന ആവശ്യം ചീഫ് ജസ്റ്റിസ് തള്ളി. നിരീക്ഷക സമിതിയെ നിയമിച്ച കാര്യത്തിലും ഇടപെടാനാകില്ലെന്നാണ് സുപ്രീംകോടതി വ്യക്തമാക്കി.
ചീഫ് ജസ്റ്റീസ് രഞ്ജന് ഗൊഗോയ് അധ്യക്ഷനായ ബെഞ്ചാണ് ഹർജി പരിഗണിച്ചത്. ഹൈക്കോടതിയുടെ തീരുമാനത്തിൽ ഇടപെടാനാകില്ല. സർക്കാരിന് വേണമെങ്കിൽ ഹൈക്കോടതിയെ സമീപക്കാമെന്നും ചീഫ് ജസ്റ്റീസ് ഉത്തരവിട്ടു.ഇതോടെ സംസ്ഥാന സർക്കാർ ഈ ഹർജി പിൻവലിക്കാൻ തയാറാണെന്ന് കോടതിയെ അറിയിച്ചു.
ഹൈക്കോടതിയുടെ അധികാരങ്ങളിൽ ഇടപെടില്ലെന്നും ഇക്കാര്യത്തിൽ അന്തിമതീരുമാനം ഹൈക്കോടതിയുടേത് തന്നെയാകുമെന്നും സുപ്രീംകോടതി വ്യക്തമാക്കി