New Update
തിരുവനന്തപുരം: ശബരിമലയിൽ മാധ്യമപ്രവർത്തകർക്ക് വിലക്ക് ഏർപ്പെടുത്തിയതിനെതിരെ മുൻമുഖ്യമന്ത്രി ഉമ്മൻ ചാണ്ടി. സർക്കാരിന്റെ രഹസ്യ അജണ്ടകൾ നടപ്പാക്കേണ്ട സ്ഥലമല്ല ശബരിമലയെന്നും മാധ്യമങ്ങളെ ഒഴിവാക്കിയത് സർക്കാരിന് എന്തോ ഒളിക്കാനുള്ളതു കൊണ്ടാണെന്നും ഉമ്മൻചാണ്ടി ആരോപിച്ചു. ശബരിമല വിഷയത്തിൽ സർക്കാർ ഒത്തുകളിക്കുകയാണെന്നും തെറ്റും ശരിയും തിരിച്ചറിയാനുള്ള അവസരം ജനങ്ങൾക്കുണ്ടാകണമെന്നും ഉമ്മൻ ചാണ്ടി കൂട്ടിച്ചേർത്തു.
ചിത്തിര ആട്ട വിശേഷത്തിന് ശബരിമല നട തുറക്കാനിരിക്കെ വാർത്ത റിപ്പോർട്ട് ചെയ്യാനെത്തിയ മാധ്യമങ്ങളെ പോലീസ് തടഞ്ഞിരുന്നു. നിലയ്ക്കലിലേക്ക് പോകാനെത്തിയ മാധ്യമങ്ങളെ ഇലവുങ്കൽ കവലയിലാണ് തടഞ്ഞത്. നിലയ്ക്കലിനു മൂന്ന് കിലോമീറ്റർ മുൻപാണ് ഇലവുങ്കൽ കവല. നിലയ്ക്കൽ ബേസ് ക്യാന്പ് വരെ മാധ്യമങ്ങളെ പോകാൻ അനുവദിക്കൂ എന്നാണ് പോലീസ് നിലപാട്.