'സര്‍ക്കാരില്‍ വിശ്വാസമില്ല, പ്രതിപക്ഷം നല്‍കിയ പിന്തുണ പോലും മുഖ്യമന്ത്രി നല്‍കിയില്ല: പിണറായി വിജയനെതിരെ രൂക്ഷ വിമര്‍ശനവുമായി അലന്‍റെ അമ്മ

കോഴിക്കോട്: കോഴിക്കോട് പന്തീരാങ്കാവില്‍ അറസ്റ്റിലായ അലന്‍റെ അമ്മ സബിത മുഖ്യമന്ത്രി പിണറായി വിജയനെതിരെ രൂക്ഷ വിമര്‍ശനവുമായി രംഗത്ത് . 'സര്‍ക്കാരില്‍ വിശ്വാസമില്ല, പ്രതിപക്ഷം നല്‍കിയ പിന്തുണ പോലും മുഖ്യമന്ത്രി നല്‍കിയില്ലന്ന് അമ്മ സബിത ആരോപിച്ചു.

കേസില്‍ സംസ്ഥാന സര്‍ക്കാരിന് ഇരട്ടത്താപ്പാണെന്നും, ഗൂഡാലോചന നടന്നിട്ടുണ്ടെന്നും സബിത ആരോപിച്ചു. എന്‍ഐഎ യ്ക്ക് കേസ് കൈമാറയതാണോയെന്നും സംശയിക്കുന്നുണ്ട്. മുഖ്യമന്ത്രി നടത്തുന്ന പ്രസ്താവനകള്‍ സഖാക്കളെ നിശബ്ദരാക്കുന്നുവെന്നും, പ്രതിപക്ഷം നല്‍കിയ പിന്തുണ പോലും സര്‍ക്കാര്‍ നല്‍കിയില്ലെന്നും അവ‍ര്‍ പറഞ്ഞു.