സംവിധായകൻ സച്ചിക്ക് ആദരാഞ്ജലികൾ

കുവൈറ്റ് സിറ്റി: സംവിധായകനും തിരക്കഥാകൃത്തുമായ സച്ചിയുടെ (കെ.ആര്‍ സച്ചിദാനന്ദന്‍) നിര്യാണത്തിൽ കേരള ആർട്ട് ലവേഴ്‌സ് അസോസിയേഷൻ, കല കുവൈറ്റ് അനുശോചനം രേഖപ്പെടുത്തി. തൃശ്ശൂര്‍ ജൂബിലി മിഷന്‍ ആശുപത്രിയില്‍ വച്ചായിരുന്നു അന്ത്യം.

ഹൃദയാഘാതത്തെത്തുടര്‍ന്ന് ചികിത്സയിലായിരുന്നപ്പോഴാണ് അദ്ദേഹം മരണത്തിന് കീഴടങ്ങിയത്. നിരവധി ചിത്രങ്ങള്‍ക്ക് തിരക്കഥയൊരുക്കിയ സച്ചി രണ്ട് ചിത്രങ്ങള്‍ സംവിധാനം ചെയ്തിട്ടുമുണ്ട്. ആദ്യ ചിത്രങ്ങൾ കൊണ്ട് തന്നെ കലാരംഗത്ത് വ്യക്തി മുദ്ര പതിപ്പിച്ച അദ്ദേഹത്തിന് ഒത്തിരി സംഭവനകൾ ഈ രംഗത്ത്‌ ഇനിയും നൽകാനുണ്ടായിരുന്നു.

സച്ചിയുടെ വിയോഗത്തിൽ സുഹൃത്തുക്കളുടെയും, ബന്ധുമിത്രാദികളുടെയും, സഹപ്രവർത്തകരുടെയുമൊപ്പം ദുഃഖത്തിൽ പങ്കുചേരുന്നു എന്ന് പ്രസിഡണ്ട് ജ്യോതിഷ് ചെറിയാൻ ജനറൽ സെക്രട്ടറി സി.കെ നൗഷാദ് എന്നിവർ അനുശോചന സന്ദേശത്തിലൂടെ പറഞ്ഞു.