ന്യൂഡല്ഹി: ഫുട്ബോള് ഇതിഹാസം ഡീഗോ മറഡോണയുടെ വേര്പാടില് അനുശോചനമറിയിച്ച് ക്രിക്കറ്റ് ലോകം. ഫുട്ബോളിനും ലോക കായിക മേഖലയ്ക്കും ഏറ്റവും മികച്ചൊരു താരത്തെ നഷ്ടമായെന്ന് ക്രിക്കറ്റ് ഇതിഹാസം സച്ചിന് തെണ്ടുല്ക്കര് അനുസ്മരിച്ചു.
എന്റെ ഹീറോ ഇനിയില്ലെന്ന് മുന് ഇന്ത്യന് നായകനും ബിസിസിഐ അധ്യക്ഷനുമായ സൗരവ് ഗാംഗുലിയും അനുസ്മരിച്ചു. എന്റെ ഭ്രാന്തന് പ്രതിഭ സമാധാനത്തോടെ വിശ്രമിക്കുന്നു, നിങ്ങള് കാരണമാണ് ഞാന് ഫുട്ബോള് കണ്ടത് - ഗാംഗുലി ട്വിറ്ററില് കുറിച്ചു.
മറഡോണയുടെ വേര്പാടില് ഏറെ ദുഖമുണ്ടെന്ന് യുവരാജ് സിഗും ട്വീറ്റ് ആഘോഷിക്കാന് നിരവധി നിമിഷങ്ങള് സമ്മാനിച്ച ഞങ്ങളുടെ ബാല്യകാല താരമായിരുന്നു മറഡോണയെന്നും നിങ്ങള് ഞങ്ങളുടെ ഹൃദയത്തിലും ഓര്മകളിലും ജീവിക്കുമെന്നും സുരേഷ് റെയ്നയും അനുസ്മരിച്ചു.