വിദര്‍ഭയുടെ വനിതാ ക്രിക്കറ്റ് താരത്തിന് പന്ത് പിടിക്കാന്‍ മാത്രമല്ല, കള്ളനെ പിടിക്കാനുമറിയാം. വിദര്‍ഭയുടെ വിക്കറ്റ് കീപ്പറായ ഇരുപത്തിനാലുകാരി സലോനി അലോട്ടാണ് വീട്ടില്‍ കയറിയ കള്ളനെ കൈയോടെ പിടിച്ചത്.
/sathyam/media/post_attachments/l7KzGs45oXihEbV13ofe.jpg "publive-image")
കഴിഞ്ഞ ഞായാറാഴ്ച്ചയാണ് സംഭവം ഉണ്ടായത്. അച്ഛനും അമ്മയ്ക്കുമൊപ്പം നാഗ്പുരിലെ ബന്ധുവീട് സന്ദര്‍ശിച്ച്‌ വീട്ടില്‍ തിരിച്ചെത്തിയ സലോനി കാര്‍ പാര്‍ക്ക് ചെയ്യുന്നതിനിടയിലാണ് സംഭവം. രാത്രി 1.30-നാണ് ഇവര്‍ വീട്ടില്‍ തിരിച്ചെത്തിയത്‌.
സലോനിയുടെ അച്ഛനേയും അമ്മയേയും കണ്ട് കള്ളന്‍ വീടിന്‍റെ മതിലുചാടി പുറത്തു കടക്കാന്‍ ശ്രമിക്കുകയായിരുന്നു. കള്ളന്‍ നേരെ ചാടിയത് സലോനിയുടെ മുന്നിലേക്കാണ്. ആദ്യമൊന്ന് പകച്ചുപോയ സലോനി കള്ളനെ കടന്നുപിടിച്ചു. പോലീസെത്തുന്നതു വരെ പത്ത് മിനിറ്റോളം സലോനി ഈ പിടുത്തംവിട്ടില്ല. ഒടുവില്‍ പോലീസെത്തി കള്ളനെ സ്‌റ്റേഷനിലേക്ക് കൊണ്ടുപോയി.
ഇതോടെ ഒരു രാത്രിക്കുള്ളില്‍ സലോനി താരമായി മാറി. ഇന്ത്യയുടെ മുന്‍ ക്യാപ്റ്റനായ മിതാലി രാജ് വരെയുള്ളവര്‍ സലോനിയെ അഭിനന്ദിച്ച്‌ ട്വീറ്റ് ചെയ്തു. പോലിസ് ഡിപാര്‍ട്‌മെന്റും താരത്തെ അഭിനന്ദിച്ചു രംഗത്തെത്തി. 2018-19 സീസണില്‍ 26 മത്സരങ്ങളില്‍ നിന്ന് 37 പേരെ സലോനി പുറത്താക്കിയിട്ടുണ്ട്. നിലവില്‍ പഠനം പൂര്‍ത്തിയാക്കുന്നതിന്റെ ഭാഗമായി ക്രിക്കറ്റില്‍ നിന്ന് വിട്ടുനില്‍ക്കുകയാണ് സലോനി.
Follow Us/sathyam/media/agency_attachments/5VspLzgrB7PML1PH6Ix6.png)
