വിജയ് ഹസാരെ ഏകദിന ക്രിക്കറ്റ് ;സഞ്ജു സാംസണ് ഇരട്ട സെഞ്ചുറി

ബംഗളൂരു: വിജയ് ഹസാരെ ഏകദിന ക്രിക്കറ്റില്‍ കേരളത്തിന്‍റെ സഞ്ജു സാംസണ് ഇരട്ട സെഞ്ചുറി. ഗോവയ്ക്കെതിരായ മത്സരത്തിലാണ് സഞ്ജു ഇരട്ട ശതകം നേടിയത്. 125 പന്തിലാണ് സഞ്ജു 200 നേടിയത്. 20 ഫോറും ഒന്‍പത് സിക്സും അടങ്ങുന്നതായിരുന്നു ഇന്നിംഗ്സ്.

ടോസ് നേടി ബാറ്റിംഗ് തിരഞ്ഞെടുത്ത കേരളത്തിനായി ക്യാപ്റ്റൻ റോബിൻ ഉത്തപ്പയും വിഷ്ണു വിനോദുമാണ് ഇന്നിംഗ്സ് ഓപ്പൺ ചെയ്തത്. ഈ സീസണിൽ ടീമിലെത്തി ഇതുവരെ ഫോമിലെത്താൻ കഴിയാതിരുന്ന ഉത്തപ്പ രണ്ട് ബൗണ്ടറികൾ നേടി നന്നായി തുടങ്ങിയെങ്കിലും നാലാം ഓവറിൽ പുറത്തായി.

10 റൺസെടുത്ത ഉത്തപ്പ ഫീൽഡിംഗ് തടസ്സപ്പെടുത്തിയതിനെത്തുടർന്നാണ് പവലിയനിലേക്ക് മടങ്ങിയത്. കഴിഞ്ഞ മത്സരങ്ങളിലെ ഹീറോ വിഷ്ണു വിനോദിനും അധികം ആയുസ്സുണ്ടായില്ല. 7 റൺസെടുത്ത വിഷ്ണുവിനെ ദർഷൻ മിസാൽ വിക്കറ്റിനു മുന്നിൽ കുരുക്കി.ആക്രമണ മൂഡിലാണ് സഞ്ജു ക്രീസിലെത്തിയത്.