കാസര്ഗോഡ്: സാഹിത്യകാരൻ സന്തോഷ് ഏച്ചിക്കാനത്തെ അറസ്റ്റ് ചെയ്തു. ജാതീയമായി അധിക്ഷേപിച്ചെന്ന കേസിലാണ് അറസ്റ്റ്. സന്തോഷ് ഏച്ചിക്കാനം ദളിത് വിരുദ്ധ പരാമര്ശം നടത്തിയെന്ന് ആരോപിച്ച് ലഭിച്ച പരാതിയിലാണ് കേസെടുത്തത്. കേസിൽ മുൻകൂർ ജാമ്യം തേടി സന്തോഷ് ഏച്ചിക്കാനം നേരത്തെ ഹൈക്കോടതിയെ സമീപിച്ചിരുന്നു. പൊലീസിന് മുന്നിൽ കീഴടങ്ങാനായിരുന്നു ഹൈക്കോടതി നിർദേശം.
കാസര്ഗോഡ് സ്വദേശി ബാലകൃഷ്ണനാണ് പരാതി നൽകിയത്. ഫെബ്രുവരി 9ന് കോഴിക്കോട് ഒരു സാഹിത്യോത്സവത്തില് നടത്തിയ പ്രസംഗത്തിലെ പരാമര്ശത്തിലാണ് ഏച്ചിക്കാനത്തിനെതിരെ ഇയാള് പൊലീസിനെ സമീപിച്ചത്. ദളിത് വിരുദ്ധ പരാമര്ശത്തിനെതിരെ സോഷ്യല് മീഡിയയില് അടക്കം വിമര്ശനം ഉയര്ന്നിരുന്നു. അല്പ്പസമയത്തിനകം ഏച്ചിക്കാനത്തെ കാസര്ഗോഡ് ജില്ലാ സെഷന്സ് കോടതിയില് ഹാജരാക്കും.