ശ്രീനഗര്: കശ്മീരിലുണ്ടായ ഭീകരാക്രമണത്തിനു പിന്നില് സുരക്ഷാവീഴ്ചയെന്ന് ഗവര്ണര് സത്യപാല് മാലിക്. വന് തോതില് സ്ഫോടകവസ്തുക്കളുള്ള വാഹനം തിരിച്ചറിയാന് കഴിഞ്ഞില്ല. ചാവേര് മുന്നൊരുക്കങ്ങളെക്കുറിച്ച് ഇന്റലിജന്സ് വിവരശേഖരണം നടത്തിയില്ലെന്നും ഗവര്ണര് ആരോപിച്ചു.
ആക്രമണത്തിനു പിന്നിലുള്ള ആരെയും വെറുതെ വിടില്ല. സംസ്ഥാനത്തു നിന്ന് ഭീകരവാദത്തിന്റെ ഓരോ അടയാളവും ഇല്ലാതാക്കും. ഭീകരര്ക്കെതിരെ സര്ക്കാര് നടപടികള് വിജയം കാണുന്നതിന്റെ നിരാശ കാരണമാണു ഭീകരാക്രമണം ഉണ്ടായത്. അഫ്ഗാനില് നടത്തുന്നതിനു സമാനമായ ആക്രമണമാണ് കശ്മീരില് ഉണ്ടായത്. കഴിഞ്ഞ കുറച്ചു മാസങ്ങളായി ഭീകര സംഘടനകളിലേക്ക് ഒരാള് പോലും പോയിട്ടില്ല. കല്ലേറും അവസാനിച്ചു.