റിയാദ്: സൗദി ദേശീയ ദിനത്തോടനുബന്ധിച്ച് ഇത്തവണ നാല് ദിവസത്തെ അവധി ലഭിക്കും. സെപ്തംബർ 23 തിങ്കളാഴ്ചയാണ് സൗദി അറേബ്യയുടെ ദേശീയ ദിനം. ദേശീയദിനത്തിന് ഒരു ദിവസമാണ് സർക്കാർ, സ്വകാര്യ മേഖലാ ജീവനക്കാർക്ക് അവധി ലഭിക്കുക.
എന്നാൽ സർക്കാർ സ്ഥാപനങ്ങൾക്കും ഓഫീസുകൾക്കും വെള്ളിയും ശനിയും വാരാന്ത്യ അവധി ദിവസങ്ങളാണ്. തിങ്കളാഴ്ച ദേശീയദിനാവധിയും. ഇതിനിടെ
രണ്ടു അവധികൾക്കിടയിൽ വരുന്ന പ്രവൃത്തിദിവസം അവധിയായിരിക്കുമെന്ന്
സിവിൽ സർവീസ് മന്ത്രാലയം അറിയിച്ചതോടെയാണ് ദേശീയദിന അവധി ആഘോഷമാക്കി മാറ്റാൻ 4 ദിവസത്തെ അവധി ലഭിച്ചത്.