തൃശൂര്: സംസ്ഥാന സ്കൂള് കലോത്സവത്തിന് തിരിതെളിഞ്ഞു. അരങ്ങുണര്ന്ന 24 വേദികളില് ഇനിയഞ്ചുനാള് സര്ഗവിസ്മയത്തിന്റെ പൂരക്കാലം. ഇലഞ്ഞിപ്പൂമണവും ധനുമാസരാവിന്റെ തണുപ്പുമായി വേദികളില് കലയുടെ മേളപ്പെരുക്കമൊരുക്കുന്ന 58ാമത് കലോല്സവം നിയമസാഭാ സ്പീക്കര് പി ശ്രീരാമകൃഷ്ണന് ഉദ്ഘാടനം ചെയ്തു.
തേക്കിന്കാട് മൈതാനിയില് പ്രത്യേകം തയ്യാറാക്കിയ വേദിയായ നീര്മാതളത്തിലെ കുരുത്തോല വിളക്കില് സ്പീക്കര് തിരിതെളിയിച്ചു. മന്ത്രി സി രവീന്ദ്രനാഥ് അധ്യക്ഷതവഹിച്ചു.
മന്ത്രിമാരായ വി.എസ് സുനില്കുമാര്, എ .സി മൊയ്തീന്, സി. എന് ജയദേവന് എം പി, എംഎല്എമാര് മറ്റ് ജനപ്രതിനിധികള് രാഷ്ട്രീയസാമൂഹികസാംസ്കാരിക രംഗത്തെ പ്രമുഖരും ചടങ്ങില് സംബന്ധിച്ചു. ഉദ്ഘടാനത്തിന് മുന്നോടിയായി കലാമണ്ഡലം വിദ്യാര്ത്ഥികളുടെ നൃത്തമരങ്ങേറി. വിജയികളെ 1, 2, 3 സ്ഥാനക്കാരായി വേര്തിരിക്കുന്ന രീതി അവസാനിപ്പിച്ച് മാര്ക്കിനനുസരിച്ച് ഗ്രേഡ് നല്കാനാണ് തീരുമാനം. 230 ഇനങ്ങളിലായി 8954 വിദ്യാര്ഥികളാണ് മാറ്റുരയ്ക്കുക.