കൊച്ചി∙നിര്മാതാക്കളുടെ സംഘടനയുടെ വിലക്ക് നേരിടുന്ന നടന് ഷെയ്ന് നിഗത്തെ താര സംഘടനയായ അമ്മ വിളിച്ചു വരുത്തും. വിഷയത്തില് ഷെയ്നിന് പറയാനുള്ളത് കേട്ട ശേഷം ആയിരിക്കും അമ്മ പ്രതിനിധികള് നിര്മാതാക്കളുമായി ചര്ച്ച നടത്തുക.
ജനുവരി 9നാണ് അമ്മ എക്സിക്യൂട്ടിവ് യോഗം കൊച്ചിയില് ചേരുന്നത്. ഷെയ്നുമായി നേരിട്ട് ചര്ച്ചയ്ക്കില്ലെന്ന നിലപാടില് തന്നെ നിര്മാതാക്കള് ഉറച്ച് നില്ക്കുന്ന സാഹചര്യത്തിലാണ് അമ്മയുടെ പുതിയ നീക്കം.
രാജ്യാന്തര ചലച്ചിത്ര മേളയില് വച്ച് താന് നടത്തിയ വിവാദ പരാമര്ശത്തില് ഫേസ്ബുക്കിന് പുറമേ ഇ മെയിലിലൂടെയും ഷെയിന് ഖേദം പ്രകടിപ്പിച്ചിരുന്നു. അമ്മ, ഫെഫ്ക, പ്രൊഡ്യൂസേഴ്സ് കൗണ്സില് എന്നീ സംഘടനകള്ക്കാണ് താരം ഖേദം പ്രകടിപ്പിച്ച് മെയിലയച്ചത്.