കൊച്ചി: "വെയില്' എന്ന ചിത്രത്തിന്റെ ഷൂട്ടിംഗ് കരാര് ലംഘിച്ചെന്നു കാണിച്ച് മലയാള സിനിമാ നിര്മാതാക്കള് വിലക്കേര്പ്പെടുത്തിയതിനു പിന്നാലെ വിഷയത്തില് പ്രതികരണവുമായി നടന് ഷെയ്ന് നിഗം. പ്രശ്നത്തില് താരസംഘടനയായ "അമ്മ' ഇടപെടണമെന്ന് ഷെയ്ന് ആവശ്യപ്പെട്ടു.
ചിത്രത്തിന്റെ സംവിധായകന് ശരതും നിര്മാതാവ് ജോബി ജോര്ജും തന്നെ മാനസികമായി പീഡിപ്പിക്കുകയാണെന്ന് ഷെയ്ന് ആരോപിച്ചു. സംവിധായകന് തന്റെ മനസാന്നിധ്യം ഇല്ലാതാക്കുകയാണ്. ആത്മാഭമാനം പണയപ്പെടുത്തി മുന്നോട്ട് പോകാനാകില്ല.
സംഘടന ആവശ്യപ്പെട്ടതുകൊണ്ടാണ് താന് ചിത്രവുമായി സഹകരിക്കാമെന്ന് സമ്മതിച്ചത്. അതുകൊണ്ട് "അമ്മ' അടിയന്തിരമായി വിഷയത്തില് ഇടപെടണം- ഷെയ്ന് ആവശ്യപ്പെട്ടു. ഒരു കലാകതാരന് സഹിക്കാവുന്നതല്ല സംവിധായകന്റെയും നിര്മാതാവിന്റെയും പ്രവൃത്തിയെന്നും ഷെയ്ന് കൂട്ടിച്ചേര്ത്തു.