കൊച്ചി: നടന് ഷെയ്ന് നിഗത്തിനെതിരായ വിലക്ക് നീക്കുന്നതിനായുള്ള ഒത്തുതീര്പ്പ് ചര്ച്ച തിങ്കളാഴ്ച കൊച്ചിയില് നടക്കും. താരസംഘടനയായ അമ്മയുടേയും പ്രൊഡ്യൂസേഴ്സ് അസോസിയേഷന്റെയും ഭാരവാഹികള് യോഗത്തില് പങ്കെടുക്കും.
"ഉല്ലാസം' സിനിമ ഷെയ്ന് ഡബ് ചെയ്തതിനെ തുടര്ന്നാണ് തീരുമാനം. ഷെയ്ന് നായക കഥാപാത്രത്തെ അവതരിപ്പിക്കുന്ന വെയില്, കുര്ബാനി എന്നീ ചിത്രങ്ങളുടെ ചിത്രീകരണം പാതിവഴിയില് മുടങ്ങുകയും ചിത്രീകരണം പൂര്ത്തിയായ ഉല്ലാസം സിനിമയുടെ ഡബ്ബിംഗ് പൂര്ത്തായാക്കാതിരിക്കുകയും ചെയ്തതോടെയാണ് ഷെയ്നും നിര്മാതാക്കളും തമ്മില് തര്ക്കം ഉടലെടുത്തത്.