കൊച്ചി: കള്ളപ്പണം വെളുപ്പിച്ചെന്ന കേസില് മുഖ്യമന്ത്രിയുടെ മുന് പ്രിന്സിപ്പല് സെക്രട്ടറി എം. ശിവശങ്കര് പ്രിന്സിപ്പല് സെഷന്സ് കോടതിയില് സമര്പ്പിച്ച ഹര്ജി പിന്വലിച്ചു. എന്ഫേഴ്സ്മെന്റ് ഡയറക്ട്രേറ്റിന്റെ കുറ്റപത്രം ചോദ്യം ചെയ്തായിരുന്നു ഹര്ജി. കേസില് ഹൈക്കോടതി ജാമ്യം അനുവദിച്ച സാഹചര്യത്തിലാണ് തീരുമാനം.
കള്ളക്കടത്തില് തനിക്കു പങ്കില്ലെന്നും തനിക്കെതിരെ ഒരു തെളിവും ഹാജരാക്കാന് ആയിട്ടില്ലെന്നുമാണ് എന്ഫോഴ്സ്മെന്റെ കേസുമായി ബന്ധപ്പെട്ട് ശിവശങ്കര് കോടതിയില് വാദിച്ചത്. കുറ്റപത്രം അപൂര്ണമാണെന്നും തന്നെ പോസിക്യൂട്ട് ചെയ്യുന്നതിന് സര്ക്കാരിന്റെ മുന്കൂര് അനുമതി വാങ്ങിയിട്ടിയില്ലെന്നുമാണ് ശിവശങ്കറിന്റെ പ്രധാന വാദം.
എന്നാല് കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ശക്തമായ തെളിവുകള് ലഭിച്ചിട്ടുണ്ടെന്നും എന്ഫോഴ്സ്മെന്റ് ഡയറക്ടറേറ്റ് പറയുന്നു.