കോഴിക്കോട്: ചേന്ദമംഗല്ലൂര് ഗവ. യു.പി സ്കൂളിലെ നാലാം ക്ലാസ് വിദ്യാര്ഥിനി സി.പി. ലനക്കാണ് ക്ലാസ്മുറിയില്നിന്ന് പാമ്പിന്റെ കടിയേറ്റു.
ഒപ്പമുണ്ടായിരുന്ന വിദ്യാര്ഥികള് ഉടന്തന്നെ വിവരമറിയിച്ചതിനെ തുടര്ന്ന് അധ്യാപകരെത്തി പാമ്പിനെ പിടികൂടി. വിദ്യാര്ഥിനിയെ ആദ്യം മുക്കത്തെ സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കല് കോളജ് ആശുപത്രിയിലും പ്രവേശിപ്പിച്ചു.
പാമ്പ് മരത്തിന്റെ മുകളിലൂടെയാണ് ക്ലാസിലെത്തിയത്. തിങ്കളാഴ്ച രാവിലെ സ്കൂളില് നടക്കുന്ന എല്.എസ്.എസ് പരീക്ഷ പരിശീലനവുമായി ബന്ധപ്പെട്ട് ലന നേരത്തേ ക്ലാസിലെത്തി വാതില് തുറക്കുന്നതിനിടെ രാവിലെ 8.45ഓടെയാണ് പാമ്പിന്റെ കടിയേറ്റത്.
പാമ്പിനെ പിടികൂടി മെഡിക്കല് കോളജിലെത്തിച്ചു. വിഷമില്ലാത്ത ചുമര്പാമ്ബാെണന്ന് അറിഞ്ഞതോടെ ആശങ്ക ഒഴിവായി. 24 മണിക്കൂര് നിരീക്ഷണത്തിനുശേഷം വിദ്യാര്ഥിനിയെ ചൊവ്വാഴ്ച രാവിലെ ഡിസ്ചാര്ജ് ചെയ്തു.