ചെറുതോണി: ഓട്ടോറിക്ഷ വാങ്ങാന്‍ പണം നല്‍കാന്‍ വിസമ്മതിച്ച പിതാവിനെ മകന്‍ മര്‍ദ്ദിച്ച് കൊലപ്പെടുത്തി. ഉപ്പുതോട് പുളിക്കക്കുന്നേല്‍ ജോസഫാണ് (കൊച്ചേട്ടന്‍-64)മരിച്ചത്. സംഭവത്തില്‍ മകന്‍ രാഹുലിനെ (32) പോലീസ് അറസ്റ്റ് ചെയ്തു.
/sathyam/media/post_attachments/B7qvfMChIflXyPxO66ot.jpg "publive-image")
കഴിഞ്ഞ ഒന്‍പതിനാണ് ജോസഫിനു ക്രൂരമര്‍ദനം ഏല്‍ക്കേണ്ടി വന്നത്.ചികിത്സയില്‍ ഇരിക്കെയാണ് ഇയാള്‍ മരിച്ചത്. റബര്‍ വിറ്റു കിട്ടിയ പണം ഓട്ടോറിക്ഷ വാങ്ങാനായി ഇയാള്‍ പിതാവിനോട് ആവശ്യപ്പെട്ടിരുന്നു. മദ്യത്തിനും മയക്കു മരുന്നിനും അടിമയായ മകനു പണം നല്‍കാന്‍ വിസമ്മതിച്ചതിനു ജോസഫിനെ കിടപ്പുമുറിയില്‍ നിന്നു ഹാളിലൂടെ വലിച്ചിഴച്ച്‌ അടുക്കളയിലെത്തിച്ചു ക്രൂരമായി മര്‍ദിച്ചു.
മര്‍ദനത്തില്‍ രണ്ട് വാരിയെല്ലുകള്‍ ഒടിയുകയും ശ്വാസകോശത്തില്‍ തറഞ്ഞു കേറുകയും ചെയ്തിരുന്നു. ശ്വാസകോശത്തില്‍ വെള്ളം കെട്ടിയതാണ് മരണത്തിനിടയാക്കിയെന്നു പോലീസ് പറഞ്ഞു.
ജോസഫിനെ ആദ്യം മുരിക്കാശേരിയിലെ സ്വകാര്യ ആശുപത്രിയിലും പിന്നീട് ഇടുക്കി മെഡിക്കല്‍ കോളജിലും പ്രവേശിപ്പിച്ചിരുന്നു. ശനിയാഴ്ച രാത്രി എട്ടോടെയാണു മരിച്ചത്. കോട്ടയം മെഡിക്കല്‍ കോളജില്‍ പോസ്റ്റുമോര്‍ട്ടം നടത്തി മൃതദേഹം ബന്ധുക്കള്‍ക്കു വിട്ടുകൊടുത്തു.
Follow Us/sathyam/media/agency_attachments/5VspLzgrB7PML1PH6Ix6.png)
