തിരുവനന്തപുരം: സിഎജി റിപ്പോര്ട്ട് ചോര്ന്നതുമായി ബന്ധപ്പെട്ട പരാതിയില് സ്വീകരിച്ച നടപടി സ്വാഭാവികം മാത്രമെന്ന് സ്പീക്കര് പി.ശ്രീരാമകൃഷ്ണന്.
പരാതി ലഭിച്ചപ്പോള് പരിശോധിക്കാന് നിയമസഭാ സമിതിയെ ചുമതലപ്പെടുത്തുകയാണ് ചെയ്തതെന്നും ഇത് സാധാരണ നടപടിക്രമം മാത്രമാണെന്നും സ്പീക്കറുടെ ഓഫീസ് അറിയിച്ചു.
കഴിഞ്ഞ ദിവസമാണ് സിഎജി റിപ്പോര്ട്ട് ചോര്ന്നെന്ന പരാതി സ്പീക്കര് എത്തിക്സ് കമ്മിറ്റിക്ക് വിട്ടത്. ധനമന്ത്രിക്കെതിരേ വി.ഡി.സതീശന് എംഎല്എയാണ് പരാതി നല്കിയത്. സമിതിക്ക് മുന്നില് ഹാജരാകുമെന്നും തന്റെ ഭാഗം വിശദീകരിക്കുമെന്നും ധനമന്ത്രി പ്രതികരിച്ചിരുന്നു.