സാനിയയ്ക്കും ഷുഐബിനും ആണ്‍കുട്ടി; പ്രാര്‍ഥനകള്‍ക്ക് നന്ദി അറിയിച്ച് ഷുഐബ്

ഇന്ത്യന്‍ ടെന്നീസ് താരം സാനിയ മിര്‍സക്കും പാകിസ്താന്‍ ക്രിക്കറ്റ് താരം ഷുഐബ് മാലിക്കിനും ആണ്‍കുഞ്ഞ്. ചൊവ്വാഴ്ച രാവിലെ ഷുഐബ് മാലിക്കാണ് കുഞ്ഞ് പിറന്ന വിവരം ട്വിറ്ററിലൂടെ അറിയിച്ചത്.

'അത് ഒരു ആണ്‍കുഞ്ഞാണ്. എന്റെ പെണ്‍കുട്ടി എന്നത്തേയും പോലെ നന്നായിരിക്കുന്നു, കരുത്തയായി. അല്‍ഹംദുലില്ലാഹ്.. എല്ലാവരുടെയും ആശംസകള്‍ക്കും പ്രാര്‍ഥനകള്‍ക്കും നന്ദി.' ഷുഐബ് ട്വിറ്ററില്‍ കുറിച്ചു.

സാനിയക്കും, ഷുഐബിനും ആശംസകള്‍ നേര്‍ന്നുകൊണ്ട് സംവിധായിക ഫറാ ഖാന്‍ ഇന്‍സ്റ്റഗ്രാമില്‍ പോസ്റ്റിട്ടിരുന്നു.