ദുബായ്: ഇന്ത്യൻ താരം സ്മൃതി മന്ദാനയെ ഐസിസി വനിതാ ക്രിക്കറ്റർ ഓഫ് ദി ഇയർ ആയി തെരഞ്ഞെടുത്തു. കഴിഞ്ഞ വർഷത്തെ മികച്ച വനിത ഏകദിന താരമെന്ന നേട്ടവും മന്ദാന സ്വന്തമാക്കി.
ലോക വനിതാ ട്വന്റി-20 ടീമിന്റെ ക്യാപ്റ്റനായി ഹെർമൻ പ്രീത് കൗറും തെരഞ്ഞെടുക്കപ്പെട്ടു. ടീമിൽ മന്ദാനയും പൂനം യാദവും ഇടംപിടിച്ചു. ഇരുവരും ഏകദിന ടീമിലും ഉൾപ്പെട്ടിട്ടുണ്ട്. ന്യൂസിലൻഡിന്റെ സുസീ ബെറ്റ്സാണ് ഏകദിന ടീം ക്യാപ്റ്റൻ. 2018 ലെ പ്രകടനത്തിന്റെ അടിസ്ഥാനത്തിലായിരുന്നു താരങ്ങളെ തെരഞ്ഞെടുത്തത്.
കഴിഞ്ഞ വർഷം മന്ദാന 12 ഏകദിനങ്ങളിൽനിന്നായി 66.90 ബാറ്റിംഗ് ആവറേജിൽ 669 റൺസാണ് അടിച്ചെടുത്തത്. ഏകദിന ലോകകപ്പിൽ ഇന്ത്യ സെമിഫൈനലിൽ എത്തിയതിൽ മന്ദാനയുടെ മികവും നിർണായകമായി. അഞ്ച് മത്സരങ്ങളിൽ 178 റൺസാണ് മന്ദാന നേടിയത്. 125.35 ആയിരുന്നു സ്ട്രൈക്ക് റേറ്റ്.