തിരുവനന്തപുരം: സെക്രട്ടറിയേറ്റിന് മുന്നില് ബി ജെ പി നേതാവ് സി കെ പത്മനാഭന് നിരാഹാര സമരം നടത്തുന്ന സമരപ്പന്തലിന് മുന്നില് ആത്മഹത്യാശ്രമം. മുട്ടട അഞ്ചുവയല് സ്വദേശി വേണുഗോപാലന് നായരെ ഗുരുതരമായി പൊള്ളലേറ്റ നിലയില് തിരുവനന്തപുരം മെഡിക്കല് കോളേജ് ആശുപത്രിയില് പ്രവേശിപ്പിച്ചു.
സമരപ്പന്തലിലേക്ക് ഓടിക്കയറിയ ആള് ശരീരത്തില് മണ്ണെണ്ണ ഒഴിച്ച ശേഷം തീകൊളുത്തുകയായിരുന്നു. ഇന്ന് പുലര്ച്ചെ രണ്ട്മണിയോടെയായിരുന്നു സംഭവം. പ്രവര്ത്തകരുടെയും പൊലീസിന്റെയും സമയോചിതമായ ഇടപെടലാണ് വന്ദുരന്തം ഒഴിവാക്കിയതെന്ന് ബിജെപി സംസ്ഥാന ജനറല് സെക്രട്ടറി എം ടി രമേശ് പറഞ്ഞു.