Advertisment

മൂന്ന് കുട്ടികളുടെ പിതാവായ കാമുകനും ഭര്‍തൃമതിയായ കാമുകിയും ട്രയിന് മുന്നില്‍ ചാടി: കാമുകന്‍ മരിച്ചു

author-image
admin
New Update

Advertisment

പൊള്ളാച്ചിയില്‍ കമിതാക്കള്‍ ട്രെയിന് മുന്നില്‍ ചാടി. വിവാഹിതനും മൂന്നു മക്കളുടെ പിതാവുമായ കാമുകന്‍ മരിച്ചു ഭര്‍തൃമതിയും ശ്രീലങ്കന്‍ സ്വദേശിയുമായ കാമുകി പരിക്കുകളോടെ രക്ഷപ്പെട്ടു. പൊള്ളാച്ചി വെങ്കിടേശ്വര കോളനി സ്വദേശി ധര്‍മ്മലിംഗമാണ്(55) മരിച്ചത്. പൊള്ളാച്ചിയില്‍നിന്ന് ചെന്നൈക്ക് പോയ തീവണ്ടിക്കു മുന്‍പിലാണ് രണ്ടുപേരും ചാടിയത്.

ഫേസ്ബുക്ക് വഴിയുള്ള സൗഹൃദം പ്രേമത്തില്‍ കലാശിക്കുകയും പിരിയാന്‍ കഴിയാതെവന്നതോടെയാണിവര്‍ ആത്മഹത്യ ചെയ്യാന്‍ തീരുമാനിച്ചത്.

ചൊവ്വാഴ്ച രാവിലെ പൊള്ളാച്ചി ഭദ്രകാളിയമ്മന്‍ ക്ഷേത്രത്തിന് സമീപമുള്ള സ്വകാര്യ സ്‌കൂളിനോടു ചേര്‍ന്നുള്ള തീവണ്ടിപാളത്തില്‍ ഒരു സ്ത്രീയും പുരുഷനും കിടക്കുന്നതു കണ്ട സമീപവാസികള്‍ പോലീസില്‍ വിവരമറിയിച്ചു. പരിശോധനയില്‍ പുരുഷന്‍ മരിച്ചതായും സ്ത്രീക്ക് ചെറിയ പരിക്കുപറ്റിയതായും കണ്ടെത്തി. സ്ത്രീയെ ചോദ്യംചെയ്തതില്‍നിന്നാണ് ധര്‍മ്മലിംഗമാണ് മരിച്ചത് എന്ന് തിരിച്ചറിഞ്ഞത്. ശ്രീലങ്ക ഖണ്ഡി സ്വദേശിനിയാണ് പരിക്കേറ്റ 41കാരി. ഒരു വര്‍ഷമായി രണ്ടുപേരും ഫേസ്ബുക്കിലൂടെ പ്രണയിക്കുകയായിരുന്നു.

കഴിഞ്ഞ സെപ്റ്റംബറില്‍ ധര്‍മ്മലിംഗത്തെ കാണാന്‍ യുവതി ഇന്ത്യയിലേക്ക് വന്നു. രണ്ടുപേരും വിവിധ സ്ഥലങ്ങളില്‍ യാത്ര ചെയ്തു. നവംബര്‍ 15ന് യുവതിയുടെ വിസയുടെ കാലാവധി തീര്‍ന്നു. ശ്രീലങ്കയ്ക്ക് തിരികെ പോകുന്നതില്‍ ഇവര്‍ക്കുള്ള വിഷമം കണ്ട് രണ്ടുപേരും ആത്മഹത്യക്ക് തീരുമാനിക്കുകയായിരുന്നുവെന്ന് പറയുന്നു. ചൊവ്വാഴ്ച 4.30ന് പൊള്ളാച്ചിയില്‍നിന്ന് ചെന്നൈക്ക് പോയ തീവണ്ടിക്കു മുന്‍പിലാണ് രണ്ടുപേരും ചാടിയത്. പൊള്ളാച്ചി പോലീസും പഴനി റെയില്‍വേ പോലീസും അന്വേഷണം നടത്തിവരുന്നു.

Advertisment