എല്‍.ഡി.എഫ് സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്ത് 15 കര്‍ഷകര്‍ ആത്മഹത്യ ചെയ്തുവെന്ന് കൃഷിമന്ത്രി

തിരുവനന്തപുരം : എല്‍.ഡി.എഫ് സര്‍ക്കാര്‍ അധികാരത്തില്‍ വന്നതിന് ശേഷം സംസ്ഥാനത്ത് 15 കര്‍ഷകര്‍ ആത്മഹത്യ ചെയ്തുവെന്ന് കൃഷിമന്ത്രി. വയനാട്ടിലും ഇടുക്കിയിലുമാണ് ആത്മഹത്യകളെന്നും മന്ത്രി അറിയിച്ചു.

ഇടുക്കിയില്‍ പത്തും വയനാട്ടില്‍ അഞ്ചും കര്‍ഷകര്‍ ആത്മഹത്യ ചെയ്തുവെന്ന് കൃഷി മന്ത്രി വി.എസ്.സുനില്‍കുമാര്‍ സഭയെ രേഖ മൂലം അറിയിച്ചു. ഒമ്പത് കര്‍ഷകരുടെ കുടുംബത്തിന് 29 ലക്ഷം രൂപ നഷ്ട്ടപരിഹാരം നല്‍കിയതായും മന്ത്രി അറിയിച്ചു.

മൂല്യനിര്‍ണയത്തിന് ഹാജരാകാത്ത അധ്യാപകര്‍ക്കെതിരെ കടുത്ത നടപടിയെന്ന് ഉന്നത വിദ്യാഭ്യാസമന്ത്രി കെ.ടി ജലീലും അറിയിച്ചു. പരീക്ഷാഫലം പ്രസിദ്ധീകരിക്കുന്നത് വൈകാതിരിക്കാന്‍ നടപടി സ്വീകരിക്കും.

മൂല്യനിര്‍ണയത്തിന് ഹാജരാകാത്ത അധ്യാപകരുടെ ശമ്പളം എഴുതേണ്ടതില്ലെന്ന് കോളേജുകള്‍ക്ക് നിര്‍ദ്ദേശം നല്‍കിയിട്ടുണ്ടെന്നും ഉന്നത വിദ്യാഭ്യാസ വകുപ്പ് മന്ത്രി കെ.ടി.ജലീല്‍ സഭയില്‍ പറഞ്ഞു.