പാലാ സഹൃദയ സമിതി സുവർണ്ണ ജൂബിലി മാധ്യമ പുരസ്ക്കാരം "കേരളകൗമുദി " റിപ്പോർട്ടർ സുനിൽ പാലായ്ക്ക് മുൻ എം.പി. ഡോ.സെബാസ്റ്റ്യൻ പോൾ സമ്മാനിച്ചു.
മാധ്യമ രംഗത്തെ സമഗ്ര സംഭാവനകൾ മുൻ നിർത്തി പാലാ സഹൃദയ സമിതി സുവർണ്ണ ജൂബിലി കമ്മിറ്റി ഏർപ്പെടുത്തിയ പ്രഥമ മാധ്യമ പുരസ്ക്കാരത്തിനാണ് സുനിൽ പാലാ അർഹനായത്. ഇരുപത്തയ്യായിരം രൂപയും പ്രശസ്തി പത്രവും ഫലകവും ഉൾപ്പെടുന്നതാണ് സഹൃദയ സമിതി മാധ്യമ പുരസ്ക്കാരം .
പാലാ മുനിസിപ്പൽ ടൗൺ ഹാളിൽ നടന്ന പുരസ്ക്കാര സമർപ്പണ സമ്മേളനത്തിൽ ഏഴാച്ചേരി രാമചന്ദ്രൻ , പാലാ നഗരസഭാ ചെയർപേഴ്സൺ ബിജി ജോജോ, പാലാ സഹൃദയ സമിതി നേതാക്കളായ രവി പാലാ, രവി പുലിയന്നൂർ, എലിക്കുളം ജയകുമാർ, ജോസ് മംഗലശ്ശേരി, പി.എസ്. മധൂസൂദനൻ ,ഡി. ശ്രീദേവി തുടങ്ങിയവർ ആശംസകൾ നേർന്നു. സുനിൽ പാലാ മറുപടി പ്രസംഗം നടത്തി.