ഡിഗ്രി വിദ്യാർഥിയുടെ അഡ്മിറ്റ് കാർഡിൽ അമ്മയുടെ സ്ഥാനത്ത് സണ്ണി ലിയോണി; രസകരമായ പ്രതികരണവുമായി താരം

മാതാപിതാക്കളുടെ സ്ഥാനത്ത് സണ്ണി ലിയോണിയുടെയും ഇമ്രാൻ ഹാഷ്മിയും പേര് നൽകിയ ഡിഗ്രി രണ്ടാം വർഷ വിദ്യാർഥിയുടെ അഡ്മിറ്റ് കാർഡിന്റെ ചിത്രങ്ങൾ സമൂഹമാധ്യമങ്ങളിൽ വൈറലായിരുന്നു. ബിഹാറിലെ ബി‌.എ രണ്ടാം വർഷ വിദ്യാർത്ഥിയുടെ അഡ്മിറ്റ് കാർഡാണ് വൈറലായത്.

ഈ വിഷയത്തെക്കുറിച്ചുള്ള വാർത്തകൾ ശ്രദ്ധയിൽപ്പെട്ട രസകരമായ പ്രതികരണവുമായി റീട്വീറ്റ് ചെയ്തു. "ഈ കുട്ടി ഭയങ്കരനാണെന്നും വലിയ സ്വപ്നം കാണാനാകുമെന്നുമായിരുന്ന താരത്തിന്റെ പ്രതികരണം.

'അച്ഛൻ' എന്ന കോളത്തിൽ ഇമ്രാൻ ഹാഷ്മിയുടെ പേരായിരുന്നു. സംഭവത്തിന് പ്രതികരണവുമായി ഇമ്രാൻ ഹാഷ്മി നേരത്തെ തന്നെ രംഗത്ത് എത്തിയിരുന്നു. ഈ വിഷയത്തെക്കുറിച്ച് ഒരു ദേശീയ മാധ്യമം പോസ്റ്റ് ചെയ്ത വാർത്ത റീട്വീറ്റ് ചെയ്താണ് ഇമ്രാൻ ഹാഷ്മി തന്റെ ഭാഗം വ്യക്തമാക്കിയത്.

"ഞാൻ ആണയിടുന്നു, അതെന്റേതല്ല" എന്നായിരുന്നു ഇമ്രാൻ ഹാഷ്മിയുടെ മറുപടി. ഈ മറുപടിക്ക് ഒട്ടേറെ ആരാധകർ രസകരമായ പ്രതികരണം നൽകുകയും ചെയ്തു