തൊടുപുഴ: അന്നം തരുന്ന കർഷകരെയും രാജ്യത്തിൻ്റെ ഫെഡറൽ സംവിധാനത്തെയും വെല്ലുവിളിച്ചു കൊണ്ട് കേന്ദ്ര സർക്കാർ നടപ്പിലാക്കിയ കർഷകവിരുദ്ധ നിയമങ്ങൾ പിൻവലിക്കണമെന്ന് ആവശ്യപ്പെട്ടുകൊണ്ട് ഡൽഹിയിൽ നടക്കുന്ന കർഷക സമരത്തിന് ഐക്യദാർഡ്യം പ്രകടിപ്പിച്ചാണ് മുതലക്കോടം പാടശേഖരത്ത് കർഷക കൂട്ടായ്മകളുടെ പ്രതിനിധികൾ അണിനിരന്നത്.
ജീവ കർഷക കൂട്ടായ്മ, ഗാന്ധിദർശൻ 'ഹരിതവേദി' തുടങ്ങിയ സംഘടനകളുടെ നേതൃത്വത്തിലാണ് കർഷക സമരത്തിന് പിന്തുണ പ്രഖ്യാപിച്ചത് 18 ദിവസമായി രാജ്യത്തെ ലക്ഷകണക്കിന് കർഷകർ ഡൽഹി സമരവേദിയിലേക്ക് നടക്കുന്നു. കൂട്ടത്തിൽ കുഞ്ഞുങ്ങളും സ്ത്രീകളും വൃദ്ധരുമുണ്ട്. പക്ഷെ മനുഷ്യത്വം പാടെ നശിച്ച മോഡി ഗവൺമെൻ്റ് ഇവരെ കണ്ടില്ലെന്ന് നടിക്കുന്നു.
കർഷകർ ഇന്ത്യയുടെ ആത്മാവാണെന്നും കർഷക വിരുദ്ധ ബിൽ ഇന്ത്യയെ പരിപൂർണ്ണമായി ഇല്ലാതാക്കുമെന്നും ഐക്യദാർഢ്യ സമരം ഉൽഘാടനം ചെയ്തുകൊണ്ട് മഹിളാ കോൺഗ്രസ് സംസ്ഥാന സെക്രട്ടറി നിഷാ സോമൻ പറഞ്ഞു.
ഫാ.ജോൺ പരിയത്ത് മാലിൽ മുഖ്യ പ്രഭാഷണം നടത്തി. റ്റി.ജെ പീറ്റർ, സി.ഇ മെയ്ദീൻ, കെ.എസ് ഹസൻകുട്ടി, ഐവാൻ സെബാസ്റ്റ്യൻ, ഗർവ്വാസി സ് കെ സഖറിയ, കെ.എൻ ശിവദാസൻ, എം ഐ സുകമാരൻ, ജോസ് കാഞ്ഞിരത്തുങ്കൽ തുടങ്ങിയവർ പ്രശസംഗിച്ചു.
Follow Us/sathyam/media/agency_attachments/5VspLzgrB7PML1PH6Ix6.png)
/sathyam/media/post_attachments/yBajy31szh6WCWVtH77N.jpg "publive-image")