തൃശൂര്: ലോക്സഭാ തെരഞ്ഞെടുപ്പില് തൃശൂരില് നിന്നും എന്.ഡി.എ സ്ഥാനാര്ത്ഥിയായി മത്സരിച്ച നടന് സുരേഷ് ഗോപിയ്ക്കെതിരെ ഒരു ലോബി തന്നെ മണ്ഡലത്തില് പ്രവര്ത്തിച്ചെന്ന് മകന് ഗോകുല് സുരേഷ്.
വര്ഗീയത മാത്രമാണ് സുരേഷ് ഗോപി വന്നാല് ഉണ്ടാകുകയെന്ന രീതിയില് ഇവര് പ്രചരണം നടത്തിയെന്നാണ് ഗോകുലിന്റെ ആരോപണം.
‘മറ്റു മതത്തിലുള്ളവര്ക്ക് ആരാധനാ സ്വാതന്ത്ര്യം നിഷേധിക്കുമെന്നൊക്കെ പറഞ്ഞത് പരത്തി. അച്ഛനെ തോല്പ്പിക്കുന്നത് മെക്കയില് പോകുന്നത് പോലെയുള്ള പുണ്യ പ്രവൃത്തിയാണെന്ന് വരെ പറഞ്ഞവരുണ്ട്. ‘ എന്നാണ് ഗോകുല് പറയുന്നത്.
സുരേഷ് ഗോപിയ്ക്കുവേണ്ടി തെരഞ്ഞെടുപ്പ് പ്രചരണത്തിനു പോയപ്പോഴുള്ള അനുഭവങ്ങള് വിശദീകരിക്കവേയാണ് ഗോകുല് ഇക്കാര്യങ്ങള് പറഞ്ഞത്.