തിരുവനന്തപുരം: മാധ്യമ പ്രവര്ത്തകന് എസ്.വി പ്രദീപിന്റെ അപകട മരണത്തിനു കാരണമായ ലോറി കണ്ടെത്തി. ഡ്രൈവർ ജോയിയെ അറസ്റ്റ് ചെയ്തു. ഈഞ്ചക്കല് ഭാഗത്ത് നിന്നാണു ലോറി കണ്ടെത്തിയത്. വെള്ളായണിയില് ലോഡ് ഇറക്കാന് പോകുമ്പോഴാണ് അപകടമെന്ന് ഡ്രൈവര് മൊഴി നൽകി.
അപകടസമയത്തെ സിസിടിവി ദൃശ്യങ്ങളില് ഇടിച്ചിടുന്ന വാഹനം ടിപ്പര് ലോറിയാണെന്നു തിരിച്ചറിഞ്ഞിരുന്നു. തിരുവനന്തപുരം കാരയ്ക്കാമണ്ഡപത്തിൽ നഗരത്തില്നിന്നു ഏറെ അകലെയല്ലാത്ത പ്രധാനപാതയില് ഇന്നലെ ഉച്ചയ്ക്ക് 3.30നാണ് സംഭവം നടന്നത്.
അപകടം നടന്ന സ്ഥലത്ത് ട്രാഫിക് സിസിടിവി ഇല്ലെങ്കിലും എതിർവശത്തെ ഒരു കടയിലെ സിസിടിവിയിൽ ഈ വാഹനം കുടുങ്ങിയിരുന്നു. മരണത്തില് ദുരൂഹതയുണ്ടെന്ന പ്രദീപിന്റെ അമ്മയുടെ മൊഴിയുടെ അടിസ്ഥാനത്തില് കൊലക്കുറ്റം ചുമത്തി നേമം പൊലീസ് കേസെടുത്തിരിക്കുകയാണ്.