ന്യൂഡല്ഹി: ജവഹര്ലാല് നെഹ്റു സര്വകലാശാലയിലെ (ജെഎന്യു) വിദ്യാര്ഥികളെ രക്ഷിക്കണമെന്ന് ആവശ്യപ്പെട്ട് ബോളിവുഡ് നടി സ്വര ഭാസ്ക്കര്.
മുഖംമൂടി ധരിച്ച അക്രമികളില്നിന്ന് വിദ്യാര്ഥികളെ രക്ഷിക്കാന് ജെഎന്യു കാമ്പസിനു പുറത്ത് തടിച്ചുകൂടാന് ജനങ്ങളോട് കണ്ണീരോടെ സ്വര ആവശ്യപ്പെടുന്ന വീഡിയോ ട്വീറ്റ് ചെയ്തു.
സര്ക്കാരിനെ സമ്മര്ദത്തിലാക്കാന് എത്രയും വേഗം എല്ലാ ഡല്ഹി നിവാസികളും ബാബഗംഗനാഥ് മാര്ഗിലുള്ള ജെഎന്യുവിന്റെ പ്രധാന കവാടത്തില് എത്തുക. എബിവിപി ഗുണ്ടകളുടെ അക്രമം ഡല്ഹി പോലീസ് ഇടപെട്ട് അവസാനിപ്പിക്കുക.
മുഖംമൂടി ധരിച്ച എബിവിപി, ആര്എസ്എസ് ഗുണ്ടകള് ജെന്യുവില് ഭീകരാക്രമണം നടത്തുന്നു. അവര് ഹോസ്റ്റലുകള്ക്കുള്ളില് കടന്ന് അക്രമം നടത്തുന്നു. അവര് അധ്യാപകരെയും വിദ്യാര്ഥികളെയും ആക്രമിച്ചു- സ്വര ട്വീറ്റില് പറഞ്ഞു. നടന് മൊഹദ് സീഷാന് അയൂബും ജെഎന്യുവിലെ അക്രമത്തെ അപലപിച്ച് ട്വീറ്റ് ചെയ്തു.