ന്യൂഡെല്ഹി: രാജ്യത്തെ പ്രമുഖ വാഹനനിര്മാതാക്കളായ ടാറ്റാ മോട്ടോഴ്സിന്റെ വിവിധ മോഡലുകള്ക്കും വില കൂടും. അസംസ്കൃത വസ്തുക്കളുടെയും ഇന്ധനത്തിന്റെയും വിലവര്ധിച്ചതിനാലാണ് വില കൂട്ടാന് കാരണമായി കമ്പനി പറയുന്നത്.
2019 ജനുവരി ഒന്ന് മുതല് ആണ് വില കൂടുന്നത്. മാരുതിയും ടൊയോട്ടയും ഫോര്ഡും ഇസുസുവും ഫോക്സവാഗണും ജനുവരി മുതല് വിലവര്ധിപ്പിക്കുന്നുണ്ട്. നാല്പതിനായിരം രൂപ വരെയുള്ള വിലവര്ദ്ധനവാകും വിവിധ മോഡലുകള്ക്ക് ഉണ്ടാകുന്നത്.