ഹൈദരാബാദ്: കോവിഡ്-19 ആശങ്കകള്ക്കിടയില് ആന്ധ്ര, തെലങ്കാന മുഖ്യമന്ത്രിമാരുടെ ദുരിതാശ്വാസനിധിയിലേക്ക് പി.വി സിന്ധു അഞ്ച് ലക്ഷം രൂപവീതം നല്കി.
ട്വിറ്ററിലൂടെ താരം തന്നെയാണ് ഇക്കാര്യം അറിയിച്ചത്. നേരത്തെ ഇന്ത്യന് ടെന്നീസ് താരം സാനിയ മിര്സ കൊറോണക്കാലത്ത് ദുരിതത്തിലായവരെ സഹായിക്കാന് കഴിഞ്ഞ ദിവസം സാമ്പത്തിക സഹായവുമായി എത്തിയതിനു പിന്നാലെയാണ് സിന്ധുവും രംഗത്തെത്തിയത്.
ടോക്യോ ഒളിമ്ബിക്സില് ഇന്ത്യയുടെ പ്രതീക്ഷയായിരുന്നു സിന്ധു. കോവിഡ്-19 ആശങ്കകളെ തുടര്ന്ന് ഒളിമ്ബിക്സ് 2021-ലേക്ക് മാറ്റിയിരുന്നു.