ന്യൂഡൽഹി: അതിർത്തിയിലൂടെ ഭീകരർ നുഴഞ്ഞു കയറിയെന്ന രഹസ്യാന്വേഷണ ഏജൻസികളുടെ മുന്നറിയിപ്പിനെ തുടർന്ന് കാഷ്മീരിലും ഡൽഹിയിലും അതീവ ജാഗ്രത നിർദേശം പുറപ്പെടുവിച്ചു. ഇതേ തുടർന്ന് ഭരണസിരാകേന്ദ്രങ്ങളിലും മെട്രോ, റെയിൽവെ, വിമാനത്താവളങ്ങളിലും സുരക്ഷ ശക്തമാക്കി.
. രണ്ട് മൂന്നു ദിവസം കാഷ്മീരിലും ഡൽഹിയിലും കടുത്ത നിരീക്ഷണം നടത്തണമെന്നാണ് നിർദേശം. റംസാനോടനുബന്ധിച്ച് ആക്രമണം നടത്താൻ ജെയ്ഷെ മുഹമ്മദ് ആസൂത്രണം നടത്തുന്നുണ്ടെന്നു നേരത്തെ മുന്നറിയിപ്പുകൾ നൽകിയിരുന്നു.
ഇതിനു പിന്നാലെ കാഷ്മീരിന്റെ പല ഭാഗങ്ങളിലായി ചെറു സ്ഫോടനങ്ങളുണ്ടാകുകയും സ്ഫോടന സാമഗ്രികൾ കണ്ടെത്തുകയും ചെയ്തതോടെയാണ് നിരീക്ഷണം ശക്തമാക്കാൻ നിർദേശം നൽകിയത്.