ചെന്നൈ: തമിഴ്നാട്ടില് കോവിഡ് രോഗികള് ഓക്സിജന് ലഭിക്കാതെ മരിച്ചു. ആറ് കോവിഡ് രോഗികളാണ് മരിച്ചത്. മധുര രാജാജി സര്ക്കാര് ആശുപത്രിയിലാണ് സംഭവം. മരിച്ചവരില് ഒരു ഗര്ഭിണിയും ഉള്പ്പെടുന്നു.
അതേസമയം, ബിഹാറില് കോവിഡ് ബാധിച്ച് മരിച്ചയാളുടെ മൃതദേഹം ആശുപത്രിയില്നിന്ന് ശ്മശാനത്തിലേക്ക് നഗരസഭയിലെ മാലിന്യ വണ്ടിയില് കൊണ്ടുപോയ സംഭവം വിവാദമായി. നളന്ദയിലാണ് സംഭവം.
മൃതദേഹം നഗരസഭയുടെ മാലിന്യ വണ്ടിയില് പിപിഇ കിറ്റ് ധരിച്ച ജീവനക്കാര് കൊണ്ടുപോകുന്ന വീഡിയോ ദൃശ്യങ്ങളും പുറത്തുവന്നിട്ടുണ്ട്. ആശുപത്രിക്ക് ഇരുന്നൂറിലധികം വണ്ടികളുണ്ട്. എന്നിട്ടും എന്തിനാണ് മൃതദേഹം മാലിന്യം ശേഖരിക്കുന്ന വണ്ടിയില് കൊണ്ടുപോയതെന്ന് അന്വേഷിക്കുമെന്ന് ആശുപത്രി വൃത്തങ്ങള് അറിയിച്ചു.