ജിദ്ദ: നിലംപതിച്ചാൽ മരണം ഏറെക്കുറെ ഉറപ്പായിരുന്ന അപകടത്തിൽ നിന്ന് ഒരു ഡ്രൈവർ അത്ഭുതകരമായി രക്ഷപ്പെട്ടു. ജിദ്ദയിലെ തിരക്കേറിയ അന്തുലസ് റോഡിൽ ബുധനാഴ്ച രാവിലെയാണ് സംഭവം.
റോഡിലെ ഒരു ഭൂഗർഭ പാതയ്ക്ക് മുകളി ലൂടെയുള്ള റോഡിലൂടെ സഞ്ചരിക്കുകയായിരുന്ന പിക്ക് അപ് വാഹനം ട്രാക്ക് തെറ്റുകയും താഴേയ്ക്കുള്ള ഭാഗത്തെ സിമന്റ് വേലിയിൽ ചെന്നെത്തുകയുമായി രുന്നു. വേലി ഭേദിച്ച വാഹനം താഴ്ചയിലേയ്ക്ക് പതിക്കുമെന്നായി. താഴെ വാഹനങ്ങൾ ഇടമുറിയാതെ ചീറിപ്പായുകയുമാണ്. താഴേയ്ക്ക് വീണാൽ അന്ത്യം ഉറപ്പ്.
അതിലൂടെ പോവുകയായിരുന്ന വാഹനങ്ങളിലെ സോഷ്യൽ മീഡിയ പ്രിയർ ഭൂഗര്ഭത്തിലേയ്ക്ക് വീഴാനിരിക്കുന്ന വാഹനം കൗതുക വിഷയമാക്കി. അതിലേറെ കൗതുകം യാതൊരു അപായവും ഇല്ലാതെയുള്ള ഡ്രൈവറുടെ രക്ഷപ്പെടലായിരുന്നു.